مودی سرکار کے فالس فلیگ آپریشن کے بعد بھارتی فوج میں دراڑیں گہری ہوتی جارہی ہیں، بھاری کی بری فوج کے سینیئر کمانڈر کی برطرفی کے بعد اب بھارتی حکومت نے فضائیہ کے اعلیٰ افسر کو بھی ان کے عہدے سے برطرف کردیا ہے۔

ایئرمارشل ایس پی دھارکر کو 7 ماہ قبل ہی ایئرمارشل کے عہدے پر تعینات کی گیا تھا، لیکن اب بھارتی افواج میں بڑھتی ہوئی بے چینی اور ابھرتی ہوئی بغاوت کے پیش نظر مودی سرکار نے ایس پی دھارکر کو ان کے عہدے سے برطرف کردیا ہے۔

ذرائع کا کہنا ہے کہ پاک فضائیہ کی جانب سے رافیل طیاروں کو فوری اور موثر انداز میں روکے جانے بعد ایئرمارشل ایس پی دھارکر کی پیشہ ورانہ صلاحیتوں پر سوال اٹھائے جا رہے تھے۔

ایئرمارشل ایس پی دھارکر کی جگہ ایئر مارشل نرمدیشور تیواری کو بھارتی فضائیہ کا نیا چیف آف ایئر اسٹاف مقرر کیا گیا ہے تاکہ بھارتی فضائیہ میں ہم آہنگی قائم رکھی جا سکے، لیکن بری فوج کے بعد اب فضائی فوج میں بھی بے چینی بڑھ رہی ہے۔

ذرائع کا کہنا ہے کہ بھارتی فضائیہ کے نائب سربراہ نے اپنے پائلٹس کی رافیل ہینڈلنگ پر شدید عدم اطمینان کا اظہار کیا تھا، جس کو مودی کی جانب سے پسند نہیں کیا گیا۔

واضح رہے کہ بھارتی رافیل طیارے ایک اور آپریشن سوئفٹ ریٹارٹ کا شکار ہوکر پاکستانی جدید ریڈارز کے سامنے بے بس ہوگئے تھے، وائس چیف آف ایئر اسٹاف کی برطرفی نے بھارتی فضائیہ میں شدید بے چینی پیدا کر دی ہے۔

واضح رہے کہ پہلگام فالس فلیگ آپریشن کے بعد یہ دوسری بڑی عسکری تبدیلی ہے، شمالی کمان کے آرمی کمانڈر کو پہلے ہی تبدیل کیا جا چکا ہے۔ اعلیٰ فوجی قیادت میں تیز رفتار تبدیلیاں بی جے پی کے فاشسٹ ایجنڈے اور افواج کی پیشہ ورانہ خودمختاری کے درمیان بداعتمادی کا ثبوت ہیں۔

واضح رہے کہ مودی سرکار نے پہلگام فالس فلیگ آپریشن کے بعد پاکستان کے خلاف فوری طور پر مہم جوئی سے انکار کرنے والے بھارتی لیفٹیننٹ جنرل ایم وی سچندر کمار کو کمانڈر ناردرن کمانڈ کے عہدے سے ہٹا دیا تھا۔