سید عاصم منیر کو بیٹن آف فیلڈ مارشل سے نواز دیاگیا۔ سیدعاصم منیرکوبیٹن آف فیلڈمارشل دینے کی تقریب ایوان صدر میں منعقد ہوگئی۔

تقریب میں صدرمملکت آصف زرداری ، وزیراعظم شہبازشریف ،سفارتکاروں،وفاقی وزرا،سروسزچیفس اوراعلیٰ حکام نے شرکت کی۔

تقریب میں صدرآصف زرداری اور وزیراعظم شہبازشریف نے سیدعاصم منیرکوبیٹن آف فیلڈ مارشل سے نوازا۔ فیلڈمارشل عاصم منیرکی  درخواست پرگزشتہ روزتقریب مؤخرکردی گئی تھی۔

یہ درخواست فیلڈ مارشل سید عاصم منیر نے سانحہ خضدارکے سبب کی تھی۔ بیٹن آف فیلڈ مارشل کی تقریب میں مسلم لیگ ن کے قائد نوازشریف بھی موجودتھے۔

قوم کوبہادرفوج پر فخر ہے، صدرزرداری،بیٹن آف فیلڈ مارشل کی تقریب سے خطاب

بیٹن آف فیلڈ مارشل کی تقریب سے خطاب کرتے ہوئے صدر زرداری نے کہاتقریب کامقصدقوم کے بہادرسپوتوں کوخرج تحسین پیش کرناہے ۔

انہوں نے کہاکہ پوری قوم کو اپنی بہادرفوج پر فخر ہے، سیدعاصم منیر کوفیلڈمارشل کااعزازقابل فخر لمحہ ہے۔

صدرمملکت کاکہناتھاکہ سیدعاصم منیر کوفیلڈمارشل کا اعزاز دینے پر مجھے بے حد مسرت ہوئی ۔

انہوں نے کہاکہ معرکہ حق کے دوران سید عاصم منیر نے فرنٹ سے لیڈ کیا،ہم وطن عزیز کے چپے چپے کادفاع جانتے ہیں۔

صدر زرداری نے مزید کہاکہ دشمن کے خلاف پوری قوم اپنی بہادر افواج کے شانہ بشانہ تھی،ہمارے بھرپورجواب نے پوری دنیا پر ہماری صلاحیت ثابت کردی۔

افواج پاکستان کے موثرجواب نے دشمن کاغرورخاک میں ملادیا،وزیراعظم شہبازشریف

دریں اثنابیٹن آف فیلڈ مارشل کی تقریب سے خطاب کرتے ہوئے وزیراعظم نے کہاکہ ہم اپنے ہیروز پر فخرکرتے ہیں،ان کی خدمات کے معترف ہیں۔

شہبازشریف نے کہاکہ عسکری قیادت نے دشمن کے خلاف بے مثال اور تاریخی کامیابی حاصل کی۔ انہوں نے کہاکہ بھرپور اور موثرجواب دینے پر دشمن گھٹنے ٹیکنے پر مجبور ہوا۔

وزیراعظم کاکہناتھاکہ افواج پاکستان نے دشمن کے غرور کو خاک میں ملادیا۔ انہوں نے کہاکہ کشیدہ صورتحال میں سید عاصم منیرکاجزبہ اور عزم مثالی تھا۔

ان کا مزید کہناتھاکہ وطن عزیز کے لئے فیلڈمارشل سید عاصم منیر کی خدمات کو خراج تحسین پیش کرتے ہیں ۔