نائب وزیراعظم و وزیرخارجہ اسحاق ڈار نے پانامہ کے وزیر خارجہ ہاویار ایڈوارڈو مارٹنزے سے ٹیلیفونک گفتگو کی ہے، جس میں انھوں نے پاناما کے وزیر خارجہ کو خطے کی موجودہ صورتحال سے آگاہ کیا۔
اسحاق ڈار نے پانامہ کے وزیر خارجہ کو بھارت کے اشتیال انگیز پروپیگنڈے اور پاکستان کے خلاف غیر قانونی اقدامات بشمول سندھ طاس معاہدے کی خلاف ورزی سے اگاہ کیا۔
سلامتی کونسل کے غیر مستقل رکن کے طور پر پاکستان اور پاناما نے بین الاقوامی امن اور سلامتی کے لیے عزم کا اعادہ کیا، پانامہ کے وزیر خارجہ نے فریقین پر ضبط و تحمل کا مظاہرہ کرنے پر زور دیا۔
پہلگام واقعے کے بعد مودی سرکار نے سندھ طاس معاہدے کو معطل کرنے کا اعلان کرتے ہوئے تمام سفارتی و تجارتی تعلقات منقطع کر دیے تھے، جس کے جواب میں پاکستان نے بھی اپنے تمام سفارتی و تجارتی تعلقات منقطع کر دیے اور دونوں ممالک کے درمیان کشیدگی عروج پر ہے۔
بھارت کی جانب سے پاکستان مخالف پروپیگنڈے کو عالمی سطح پر بے نقاب کرنے کے لیے بیرونِ ملک تعینات پاکستانی سفیر بھرپور سفارتی سرگرمیوں میں مصروف ہیں۔ مختلف ممالک میں پاکستانی سفیروں کی اعلی حکام سے ملاقاتیں جاری ہیں تاکہ بھارت کے جھوٹے بیانیے کا موثر جواب دیا جا سکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
