مودی سرکار کو سچ کڑوا لگنے لگا، پی پی رہنما شیری رحمان کا ایکس اکاؤنٹ بھی بلاک

ویب ڈیسک

17th May, 2025. 12:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

مودی سرکار کو سچ کڑوا لگنے لگا، پی پی رہنما شیری رحمان کا ایکس اکاؤنٹ بھی بلاک
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

مودی سرکار کو سچ کڑوا لگنے لگا، پی پی رہنما شیری رحمان کا ایکس اکاؤنٹ بھی بلاک

مودی سرکار کو سچ کڑوا لگنے لگا، ہندو توا سرکار نے نائب صدر پیپلزپارٹی سینیٹر شیری رحمان کا ایک اکاؤنٹ بھی بھارت میں بند کر دیا ہے۔

ایکس اکاؤنٹ کی بندش پر ردعمل دیتے ہوئے شیری رحمان نے کہا کہ بھارت میں اظہارِ رائے پر قدغنیں نئی آہنی دیوار کی شکل اختیار کر چکی ہیں، اگر مقصد معقول آوازوں کو دبانا ہے تو یہ ہندوتوا ریپبلک کی تنگ نظری اور بوکھلاہٹ کو ظاہر کرتا ہے۔

شیری رحمان نے کہا کہ بھارت میں ایکس پر پابندی کا مقصد سچ بولنے والوں کو خاموش کرنا ہے، بھارتی حکومت کےاقدام کا مقصد پہلگام واقعے کے حقائق چھپانا اور مقبوضہ کشمیر پر اٹھائی گئی آوازوں کو دبانا ہے۔

یہ بھی پڑھیں: پہلگام واقعے کے 10 منٹ بعد ہی بھارت نے پاکستان کے خلاف زہر اگلنا شروع کردیا

پی پی پی رہنما نے کہا کہ بھارت کے اس اقدام کی عالمی سطح پر مذمت ہونی چاہیے،بھارت کچھ بھی کر لے، حقائق سے نہیں بھاگ سکتا، بھارت نے پہلگام حملے کے بعد بلاجواز جارحیت کی، پاکستان نے ذمہ دارانہ انداز میں اپنا دفاع کیا۔

سینیٹر شیری رحمان نے کہا کہ بھارت نے پوری جنگ کی بنیاد جھوٹ پر رکھی جس کو آگے لے جانے کی کوشش کی جا رہی ہے، اگر بھارت نے پھر کسی مہم جوئی کی کوشش کی تو پاکستان مؤثر جواب دے گا، تاریخ اس کی گواہ ہے۔

انھوں نے خبردار کیا کہ پاکستان نے ہمیشہ امن کی بات کی، لیکن اگر دوبارہ قومی خودمختاری پر حملہ ہوا تو بھرپور جواب دیا جائے گا۔