امریکی سیکیورٹی ماہر پروفیسرکرسٹین فیئر نے کہاہے کہ بھارت پاکستان کو خوفزدہ کرنے میں ناکام رہا۔ انہوں نے بھارتی پالیسیوں کو سخت تنقید کا نشانہ بنایا اور بھارتی میڈیاکو فسادی کہہ ڈالا۔

ان کاکہناہے کہ بھارتی اقدامات پر پاکستان پیچھے ہٹا نہ ہی مشکل صورتحال کا سامنا کرنے سے بھاگا۔ ان کا کہناتھاکہ بھارت کو پاکستان کیخلاف ہر محاذ پر ناکامی اورمسلسل ہزیمت کاسامنا ہے۔

بین الاقوامی سطح پر بھی غیر ملکی ماہرین اب بھارت کے جنگی عزائم کو بے نقاب کرنے لگے ہیں۔

امریکی سیکیورٹی ماہر پروفیسر کرسٹین فیئر نے بھارتی ٹی وی پروگرام میں ہی مودی حکومت کوآڑے ہاتھوں لے لیا۔

انہوں نے کہاکہ بھارت نے بے بنیاد دعوے کرکے خود کو ایک خطرناک صورتحال میں ڈال دیا ہے۔

ان کاکہناتھاکہ فسادی بھارتی میڈیانے عوام کو غلط معلومات فراہم کیں۔ انہوں نے کہا کہ بدقسمتی سے بھارتی میڈیا ایسی توقعات پیدا کرتاہے جوبعد میں عسکری تقاضوں کو جنم دیتی ہیں۔

امریکی سیکیورٹی ماہر پروفیسر کرسٹین فیئر نے کہاکہ بھارت اور اس کا میڈیا ایک جنگی رویہ رکھتے ہیں۔ یہ وہ چیز ہے جوخطے میں کشیدگی کا سبب بنتی ہے۔

انہوں نے کہاکہ پاک بھارت تنازع بھارت کی توقع سے کہیں زیادہ شدت اختیار کر گیا ہے ۔ امریکی سیکیورٹی ماہر پروفیسر کرسٹین فیئر نے اس صورتحال پرافسوس کا اظہار کیا۔

امریکی سیکیورٹی ماہر پروفیسر کرسٹین فیئرہی نہیں دیگر عالمی ماہرین بھی بھارت پرسخت تنقید کررہے ہیں۔

بین الاقوامی ماہرین کاکہنا ہے کہ بھارت کے اندرونی بیانیے کی ساکھ پر سوالات اٹھنے لگے ہیں۔ عالمی ماہرین کا کہناہے کہ پاکستان کے موقف کو عالمی سطح پر پذیرائی حاصل ہو رہی ہے۔

علاوہ ازیں ماہرین کے مطابق موجودہ صورتحال بھارت کی خارجہ پالیسی پر ایک بڑا سوالیہ نشان ہے۔

دریں اثنا بین الاقوامی ماہرین پاکستانی موقف کو عالمی سطح پر ایک مضبوط بیانیہ تسلیم کررہے ہیں۔