ریاض: سعودی عرب کی سپریم کورٹ نے شہریوں سے اپیل کی ہے کہ وہ 27 مئی 2025 بروز منگل کو ذوالحج کا چاند دیکھنے کی کوشش کریں تاکہ عیدالاضحیٰ کی تاریخ کا تعین کیا جا سکے۔
عرب نیوز اور سعودی پریس ایجنسی (SPA) کے مطابق، سعودی سپریم کورٹ نے واضح کیا ہے کہ اگر 27 مئی کو چاند نظر آتا ہے تو 28 مئی کو یکم ذوالحج ہوگی اور عیدالاضحیٰ 6 جون (جمعہ) کو منائی جائے گی۔
مزید پڑھیں: سعودی عرب میں عیدالاضحیٰ کب ہوگی؟ اہم اعلان ہوگیا
تاہم اگر منگل کو چاند نظر نہ آیا تو ذوالحج کا آغاز 29 مئی (جمعرات) سے ہوگا، جس کے تحت عیدالاضحیٰ کا پہلا روز 7 جون (ہفتہ) کو ہوگا۔
عدالت نے شہریوں اور مقامی رویت ہلال کمیٹیوں سے کہا ہے کہ وہ نہ صرف خود چاند دیکھنے کی کوشش کریں، بلکہ اگر چاند نظر آئے تو قریبی عدالت یا مقامی مرکز سے رابطہ کر کے گواہی درج کرائیں تاکہ شرعی طریقہ کار کے مطابق فیصلہ کیا جا سکے۔
Advertisement
سعودی عرب سمیت خلیجی ممالک اور دنیا بھر کے مسلمان اس اعلان کا انتظار کر رہے ہیں، کیونکہ اسی کے مطابق حج کی تاریخیں اور عیدالاضحیٰ کے ایام طے کیے جاتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
