پاکستان کے بڑے فیصلے سے بھارت کے فضائی آپریشنز کو مزید مشکلات کا سامنا

ویب ڈیسک

23rd Jun, 2025. 09:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کے بڑے فیصلے سے بھارت کے فضائی آپریشنز کو مزید مشکلات کا سامنا

خلاف ورزی کرنے والے بھارتی طیاروں کے خلاف سخت قانونی کارروائی کی جائے گی

پاکستان ائیرپورٹس اتھارٹی کی جانب سے جاری نوٹم کے مطابق، بھارتی ائیرلائنز کے تمام مسافر اور فوجی طیاروں پر پاکستانی فضائی حدود استعمال کرنے پر پابندی عائد رہے گی۔

پاکستان کی فضائی حدود کی بندش 23 جولائی 2025 تک جاری رہے گی، اور بھارتی طیارے، چاہے وہ بھارتی رجسٹرڈ ہوں یا لیز پر لیے گئے ہوں، پاکستان کی فضائی حدود استعمال نہیں کر سکیں گے۔

اس پابندی میں کوئی نرمی نہیں کی گئی، جس سے بھارت کے فضائی آپریشنز کو مزید مشکلات کا سامنا ہو گا۔

پاکستان ائیرپورٹس اتھارٹی نے اپنے بیان میں کہا ہے کہ یہ فیصلہ قومی مفاد میں کیا گیا ہے اور اس کی خلاف ورزی کرنے والے بھارتی طیاروں کے خلاف سخت قانونی کارروائی کی جائے گی۔

اس پابندی کے اثرات کا سامنا بھارت کی مختلف فضائی کمپنیوں کو بھی ہو گا، جنہیں پاکستانی فضائی حدود کے بغیر اپنے روٹس کو تبدیل کرنا پڑے گا۔

یاد رہے کہ پاکستان اور بھارت کے تعلقات میں حالیہ برسوں میں کشیدگی کا سامنا رہا ہے، جس کے باعث دونوں ممالک کے درمیان فضائی حدود کی بندش اور دیگر پابندیاں لگائی گئی ہیں۔