مالی سال 2025-26 کے وفاقی بجٹ کی تیاری کے دوران 850 سی سی تک کی مقامی طور پر تیار یا اسمبل شدہ گاڑیوں پر سیلز ٹیکس کی شرح بڑھانے کی تجویز مسترد کر دی گئی ہے۔
ذرائع وزارت خزانہ کے مطابق ایف بی آر کی جانب سے چھوٹی گاڑیوں پر سیلز ٹیکس 12.5 فیصد سے بڑھا کر 18 فیصد کرنے کی تجویز دی گئی تھی، تاہم اسے منظور نہیں کیا گیا۔
ذرائع کا کہنا ہے کہ آٹو موبیل پالیسی 2021-26 کے تحت چھوٹی گاڑیوں پر سیلز ٹیکس کی رعایتی شرح 12.5 فیصد مقرر ہے، جس میں تبدیلی کا اختیار صرف پالیسی ساز اداروں کو حاصل ہے۔
ایف بی آر، سیلز ٹیکس ایکٹ 1990 کے آٹھویں شیڈول کی انٹری نمبر 72 کو ختم کرنے کا مجاز نہیں ہے، لہٰذا مذکورہ رعایت بدستور نافذ العمل رہے گی۔
حکام کے مطابق یہ فیصلہ عوام کو مہنگائی سے بچانے، مقامی آٹو انڈسٹری کی حوصلہ افزائی اور چھوٹی گاڑیوں کی خریداری کو عوام کی پہنچ میں رکھنے کے لیے کیا گیا ہے۔
Advertisement
بجٹ میں مقامی سطح پر تیار کردہ گاڑیوں کے لیے موجودہ رعایتی سیلز ٹیکس رجیم کو برقرار رکھا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
