وفاقی حکومت کا بڑا فیصلہ، بجلی بلوں سے الیکٹرک ڈیوٹی ختم کرنے کا اعلان

ویب ڈیسک

30th Jun, 2025. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت کا بڑا فیصلہ، بجلی بلوں سے الیکٹرک ڈیوٹی ختم کرنے کا اعلان

وفاقی حکومت نے بجلی کے صارفین کو ریلیف دینے کے لیے ایک اہم فیصلہ کیا ہے۔

وفاقی وزیر برائے پاور ڈویژن اویس لغاری نے اعلان کیا ہے کہ یکم جولائی 2025 سے بجلی کے بلوں میں سے الیکٹرک ڈیوٹی کو ختم کر دیا جائے گا۔

اس فیصلے کا مقصد عوام پر عائد بجلی کے زائد نرخوں کا بوجھ کم کرنا اور بجلی کے بلوں کو مزید شفاف اور آسان بنانا ہے۔

اویس لغاری کے مطابق بجلی کے موجودہ زائد نرخ پہلے ہی عوام کے لیے مالی بوجھ بن چکے ہیں اور حکومت اس بات کو یقینی بنانا چاہتی ہے کہ صارفین کو صرف بجلی کے اصل نرخ ہی ادا کرنے ہوں۔

وفاقی وزیر نے اس بات پر زور دیا کہ یہ فیصلہ وفاقی حکومت کی جانب سے بجلی کے نرخوں میں کمی لانے کے لیے اٹھایا گیا ہے اور اس کے لیے صوبائی حکومتوں کے تعاون کی درخواست کی گئی ہے۔

اویس لغاری نے تمام صوبائی وزرائے اعلیٰ کو خطوط لکھے ہیں تاکہ وہ صوبوں میں متبادل ریونیو کلیکشن کے نظام کو وضع کریں۔

وفاقی وزیر نے مزید کہا کہ حکومت غیر متعلقہ چارجز کو بجلی کے بلوں سے نکالنے کے لیے اقدامات کر رہی ہے تاکہ عوام کو صرف ضروری خدمات کے عوض ہی بلوں میں چارجز دکھائے جائیں۔