پیرس میں فرانسیسی دادی کی اسرائیل کے خلاف نسل کشی کے الزام میں قانونی کارروائی

ویب ڈیسک

06th Jun, 2025. 07:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیرس میں فرانسیسی دادی کی اسرائیل کے خلاف نسل کشی کے الزام میں قانونی کارروائی

غزہ میں اسرائیلی بمباری سے جاں بحق ہونے والے دو فرانسیسی نژاد بچوں کی دادی جیکولین ریوالٹ نے اسرائیل کے خلاف پیرس کی عدالت میں نسل کشی اور جنگی جرائم کے الزامات پر مبنی قانونی شکایت دائر کر دی ہے۔

یہ اقدام اسرائیل اور فلسطین کے درمیان جاری کشیدگی میں ایک اہم قانونی موڑ کی حیثیت رکھتا ہے، جو بین الاقوامی سطح پر انسانی حقوق کے حوالے سے نئے سوالات کو جنم دے رہا ہے۔

شکایت میں الزام عائد کیا گیا ہے کہ اسرائیل نے غزہ میں دانستہ طور پر عام شہریوں، خصوصاً بچوں کو نشانہ بنایا، جس کے نتیجے میں جیکولین ریوالٹ کے دونوں کمسن پوتے، جو فرانسیسی شہریت رکھتے تھے، فضائی حملے میں جاں بحق ہو گئے۔

پیرس میں میڈیا سے گفتگو کرتے ہوئے جیکولین ریوالٹ نے کہا کہ میرے پوتے بے گناہ تھے، میں انصاف چاہتی ہوں، صرف اپنے بچوں کے لیے نہیں، بلکہ ان تمام معصوموں کے لیے جو ہر روز اس ظلم کا نشانہ بن رہے ہیں۔