چین نے اسرائیل میں مقیم شہریوں کے لیے سیکیورٹی الرٹ جاری کردیا

ویب ڈیسک

16th Jun, 2025. 12:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین نے اسرائیل میں مقیم شہریوں کے لیے سیکیورٹی الرٹ جاری کردیا

چین نے اسرائیل میں مقیم اپنے شہریوں کے لیے سیکیورٹی الرٹ جاری کرتے ہوئے شہریوں کو اسرائیلی اتھارٹیز سے رابطے میں رہنے کی ہدایت کی ہے۔

عالمی ذرائع ابلاغ کے مطابق چینی سفارت خانے نے اپنے شہریوں کو مشورہ دیا ہے کہ وہ غیر ضروری باہر نہ نکلیں اور حساس یا فوجی مقامات سے دور رہیں۔

چین نے اپنے شہریوں کو صورتحال پر کڑی نظر رکھنے کی ہدایت کرتے ہوئے کہا ہے کہ اسرائیل میں فضائی سروس معلط ہے، تاہم تین زمینی سرحدی راستے، اردن ریور کراسنگ، کنگ حسین (ایلنبی) برج، اور یتسحاق رابن کراسنگ کھلے ہیں۔

سفارت خانے نے کہا ہے کہ مسافر اپنی صوابدید پر ان راستوں کا استعمال کر سکتے ہیں بشرطیکہ یہ محفوظ ہو۔

اس سے قبل، 13 جون 2025 کو، چین نے ایران اور اسرائیل میں موجودہ “پیچیدہ اور سنگین” سیکیورٹی صورتحال کے پیش نظر اپنے شہریوں کو مشورہ دیا تھا کہ وہ ممکنہ میزائل، راکٹ اور ڈرون حملوں کے لیے تیار رہیں۔

چینی وزارت خارجہ نے دونوں ممالک سے کشیدگی میں کمی لانے کی اپیل کی تھی تاکہ خطے میں امن و استحکام برقرار رہے۔