ایران نے اسرائیل کی جانب سے ایران پر حملوں کو “انسانیت کے خلاف جرائم” قرار دیتے ہوئے کہا کہ اسرائیل بے گناہ بچوں کو قتل کرنے کا عادی ہے، جیسا کہ غزہ میں ہو رہا ہے۔

ایرانی وزارت خارجہ کے ترجمان اسماعیل بقائی نے تہران میں پریس بریفنگ کے دوران کہا کہ اسرائیل نے مذاکراتی عمل کو نقصان پہنچایا ہے۔ انھوں نے امریکہ پر زور دیا کہ وہ اسرائیل کی جارحیت کے خلاف سخت موقف اختیار کرے۔

اسماعیل بقائی نے کہا کہ ایران مذاکرات میں سنجیدہ تھا، لیکن اسرائیل کی جارحیت نے ان کوششوں کو نقصان پہنچایا۔ انہوں نے اسرائیل کو “سفاک گروہ” قرار دیتے ہوئے کہا کہ اس کی جارحیت بین الاقوامی قوانین کی خلاف ورزی ہے۔

مزید پڑھیں: ٹرمپ نے ایران اسرائیل جنگ میں شامل ہونے کا عندیہ دے دیا

انہوں نے مزید کہا کہ امریکہ کو اسرائیل کی جارحیت کے خلاف سخت موقف اختیار کرنا چاہیے۔

اسماعیل بقائی نے امریکہ کی جانب سے ایران کے جوہری پروگرام پر صفر افزودگی کی شرط کو مسترد کرتے ہوئے کہا کہ افزودگی ایران کا قانونی حق ہے اور اس پر مذاکرات نہیں ہو سکتے۔

انہوں نے امریکہ کی متضاد پالیسیوں کو مذاکرات کے لیے نقصان دہ قرار دیتے ہوئے کہا کہ ایران براہِ راست مذاکرات کے بجائے بالواسطہ مذاکرات کو ترجیح دیتا ہے، کیونکہ امریکہ کی دھمکیاں اور پابندیاں ایران کے لیے قابلِ قبول نہیں۔

انہوں نے کہا کہ امریکہ کی پالیسیوں نے بین الاقوامی قوانین کی خلاف ورزی کی ہے۔

اسماعیل بقائی نے اسرائیل کی جانب سے ایران پر حملوں کو “انسانیت کے خلاف جرائم” قرار دیتے ہوئے کہا کہ اسرائیل بے گناہ بچوں کو قتل کرنے کا عادی ہے، جیسا کہ غزہ میں ہو رہا ہے۔

انہوں نے عالمی برادری سے مطالبہ کیا کہ وہ اسرائیل کے خلاف کارروائی کرے۔ اس پریس بریفنگ میں اسماعیل بقائی نے ایران کے موقف کو واضح کیا اور عالمی برادری سے مطالبہ کیا کہ وہ اسرائیل کی جارحیت کے خلاف مؤثر اقدامات کرے۔