ترجمان دفتر خارجہ پاکستان نے بھارتی وزیر خارجہ کا بیان مسترد کر دیا۔جے شکر کے بیان کو غیر ذمے دارانہ قراردیدیا۔

ان کاکہناتھاکہ کہ سفارتکاروں کی گفتگوکامقصد امن کافروغ پونا چاہیے، نہ کہ اشتعال انگیزی۔

ترجمان دفتر خارجہ پاکستان نے کہاکہ  ایک وزیر خارجہ کے لب و لہجے کو اُن کے باوقار منصب کے مطابق ہونا چاہیے۔

انہوں نے کہاکہ بھارت سالوں سے گمراہ کن اور من گھڑت بیانیے دے کردنیاکودھوکہ دینے کی مہم چلا رہاہے۔

ان کا کہناتھاکہ بھارت گمراہ کن مہم سے خود کو مظلوم ظاہر کرنے کی کوشش کر رہا ہے۔

انہوں نے کہاکہ پاکستان مخالف ہرزہ سرائی بھارت کی سرحد پار دہشتگردی کی سرپرستی کونہیں چھپاسکتی۔

ترجمان کاکہناتھاکہ بھارتی  ہرزہ سرائی  مقبوضہ جموں و کشمیر میں ریاستی جبر پر پردہ نہیں ڈال سکتی۔

انہوں نے کہاکہ بھارت دوسروں پر انگلی اٹھارہاہے مگر وہ خوددہشتگردی اور ٹارگٹ کلنگ میں ملوث ہے

ان کاکہناتھاکہ بھارت کوجھوٹے اور گمراہ کن بیانیے گھڑنے سے بھی باز آنا چاہیے۔ انہوں نے کہاکہ   پاکستان پرامن بقائے باہمی، مکالمے اور سفارت کاری پر یقین رکھتا ہے۔

ترجمان نے کہاکہ پاکستان کسی بھی جارحیت کیخلاف خودمختاری کے دفاع کےلئے پُرعزم ہے۔

ان کاکہناتھاکہ گزشتہ ماہ بھارت کے غیر ذمہ دارانہ حملوں کامنہ توڑجواب اس عزم کا ٹھوس ثبوت ہے۔

انہوں نے کہاکہ بھارت سے آنے والابیانیہ اُس کی ناکام فوجی مہم جوئی کے بعدشدید مایوسی کوظاہرکرتاہے۔

ترجمان دفتر خارجہ پاکستان نے نے کہاکہ بھارت کیلیے یہی بہترہوگاکہ وہ اپنی گفتگوکے معیار کو بہتر بنائے۔

انہوں نے کہاکہ دنیا صرف انہیں یاد رکھے گی جنہوں نے سب سے زیادہ دانائی سے کام لیا۔