کراچی: بھارتی خفیہ ایجنسی 'را' کے 4 ایجنٹ گرفتار

کراچی: بھارتی خفیہ ایجنسی ‘را’ کے 4 ایجنٹ گرفتار

ویب ڈیسک

25th Jun, 2025. 12:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: بھارتی خفیہ ایجنسی ‘را’ کے 4 ایجنٹ گرفتار

کراچی پولیس نے ایک اہم کارروائی میں بھارتی خفیہ ایجنسی ’’را‘‘ کے 4 ایجنٹوں کو گرفتار کرلیا ہے۔

ایس ایس پی شعیب میمن نے میڈیا بریفنگ میں بتایا کہ کراچی کے علاقے ملیر سے بھارتی خفیہ ایجنسی ‘را’ کے چار ایجنٹس کو گرفتار کیا گیا ہے، جن کا تعلق سجاول سے ہے۔

پولیس کے مطابق گرفتارچاروں ملزمان ماہی گیر ہیں اور سجاول کے رہائشی ہیں، ملزمان چھینی گئی گاڑی میں سفر کر رہے تھے۔

ایس ایس پی شعیب میمن نے مزید بتایا کہ ملزمان سے 4 دستی بم، رائفل، پستول کے علاوہ حساس تنصیبات کی تصاویر، نقل و حرکت کے حوالے سے دستاویزات، وائرلیس سیٹ، دھماکا خیز مواد، اور ایک گاڑی برآمد کی گئی ہے ۔

حکام کے مطابق گرفتارایجنٹس حساس تنصیبات اور حساس نقل وحرکت کی اطلاع دشمن کودیتےتھے، ملزمان کے خلاف جعلی سرگرمیوں اور جاسوسی کے الزام میں مقدمات درج کر لیے گئے ہیں ۔

ایس ایس پی شعیب میمن نے توقع ظاہر کی ہے کہ تحقیقات مزید شواہد سامنے لے کر آئیں گی، اور پکڑے گئے افراد کے نیٹ ورک کا مکمل سراغ لگایا جائے گا۔