قربانی کاگوشت کس طرح اورکتنی مقدار میں کھائیں؟۔ماہرین صحت نے خصوصی ہدایات جاری کردیں۔  

بلند فشارخون،شوگر،جلدی بیماریوں میں مبتلامریض قربانی کاگوشت کھانے میں احتیاط سے کام لیں۔ماہرین صحت کا کہناہے کہ اس بارعیدالاضحیٰ سخت گرم موسم میں آئی ہے۔

موسم شدید گرم!گوشت کازیادہ استعمال نظام ہاضمہ کےلئے نقصاندہ ہوگا

چونکہ موسم شدید گرم ہے ایسے میں اگربڑے کاگوشت زیادہ استعمال کیاجائے تویہ نظام ہاضمہ کیلئے نقصاندہ ہوگا۔

قربانی کا گوشت زیادہ دن فریزر میں نہ رکھیں

ماہرین صحت نے اس سلسلے میں خصوصی ہدایات جاری کی ہیں۔ عوام کو قربانی کا گوشت زیادہ دنوں تک فریزر میں نہ رکھنے کا مشورہ دیاگیاہے ۔

زیادہ ابال کرپکائیں،مرغن اورچٹ پٹے مصالحوں سے پرہیزکریں

طبی ماہرین کے مطابق دانتوں کے  امراض میں مبتلامریض بھی اجتناب برتیں۔ گوشت کو زیادہ سے زیادہ ابال کرپکایاجائے۔ مرغن اورچٹ پٹے مصالحوں سے گریزکیاجائے۔

تندوری یا کوئلے پرنیم پکے گوشت کومعیانہ روی کیساتھ کھائیں۔ ماہرین نے بڑے کے گوشت کو بلندفشارخون کے مریضوں کے لئے خطرناک قراردیاہے۔

قربانی فریضہ ہے مگر دین اسلام  معیانہ روی کادرس بھی دیتاہے!

ماہرین کا کہناہے کہ عید قربان مذہبی فریضہ ہے مگر ساتھ ہی دین اسلام ہمیں معیانہ روی کادرس بھی دیتاہے ۔

ایسے مریض جن کومعالجین بڑے کے گوشت سے اجتناب کرنے کامشورہ دیتے انہیں خصوصی احتیاط کرنی چاہیے۔

طبی ماہرین بڑے کے گوشت کی افادیت سے انکارنہیں کرتے مگراس کازیادہ استعمال مختلف مسائل کاسبب بھی بنتاہے۔

یہی وجہ ہے کہ عیدلاضحیٰ کے حوالے سے ماہرین صحت کی جانب سے عوام کےلئے خصوصی ہدایات جاری کی گئی ہیں۔