قوم مہنگائی برداشت کرے، چیئرمین سینیٹ اور اسپیکر قومی اسمبلی کی تنخواہوں میں لاکھوں روپے کا اضافہ

ویب ڈیسک

06th Jun, 2025. 10:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قوم مہنگائی برداشت کرے، چیئرمین سینیٹ اور اسپیکر قومی اسمبلی کی تنخواہوں میں لاکھوں روپے کا اضافہ

حکومت نے اسپیکر قومی اسمبلی اور چیئرمین سینیٹ کی بنیادی تنخواہ میں نمایاں اضافہ کرتے ہوئے اسے 2 لاکھ 5 ہزار روپے سے بڑھا کر 13 لاکھ روپے ماہانہ مقرر کر دیا ہے۔

اس سلسلے میں وزارت پارلیمانی امور نے باضابطہ نوٹیفکیشن بھی جاری کر دیا ہے۔

نوٹیفکیشن کے مطابق اسپیکر قومی اسمبلی اور چیئرمین سینیٹ کو بنیادی تنخواہ کے علاوہ 50 فیصد الاؤنس بھی دیا جائے گا، جو ان کی مجموعی مراعات میں مزید اضافہ کرے گا۔ نئی تنخواہ کا اطلاق یکم جنوری 2025 سے ہو گا۔

حکومتی ذرائع کے مطابق اس فیصلے کا مقصد آئینی عہدوں پر فائز اعلیٰ حکام کو ان کی ذمہ داریوں سے ہم آہنگ مالی مراعات فراہم کرنا ہے۔

تاہم اس اقدام پر بعض حلقوں کی جانب سے تنقید بھی سامنے آ رہی ہے، خاص طور پر ایسے وقت میں جب ملک کو مالی مشکلات اور عام شہری مہنگائی کے شدید دباؤ کا سامنا ہے۔

واضح رہے کہ حکومت نے اس سے قبل اراکین قومی اسمبلی اور سینیٹرز کی تنخواہوں میں بھی اضافے کی منظوری دی تھی، جس کے بعد اب اسپیکر اور چیئرمین سینیٹ کے لیے بھی مراعات میں اضافہ کیا گیا ہے۔