ٹويوٹا خریدار ہوشیار، جولائی سے گاڑیاں ہو رہی ہیں مہنگی، قیمت جانیے

ویب ڈیسک

21st Jun, 2025. 06:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹويوٹا خریدار ہوشیار، جولائی سے گاڑیاں ہو رہی ہیں مہنگی، قیمت جانیے

ٹویوٹا کی لگژری برانڈ کی قیمت میں بھی اضافہ ہو گا

ٹویوٹا گاڑیوں کے شوقین حضرات کو اپنی من پسند گاڑی کی خریداری کے لیے مزید پیسے خرچ کرنا ہوں گے۔

جاپانی کار ساز ادارہ ٹويوٹا موٹر نے اعلان کیا ہے کہ وہ امریکہ میں فروخت ہونے والی بعض گاڑیوں کی قیمتوں میں جولائی 2025 سے اوسطاً 270 ڈالر کا اضافہ کرے گا۔

یہ فیصلہ ایک ایسے وقت میں سامنے آیا ہے جب امریکی صدر ڈونلڈ ٹرمپ نے درآمدی گاڑیوں اور آٹو پارٹس پر 25 فیصد ٹیکس عائد کرنے کا اعلان کیا ہے۔ تاہم، ٹويوٹا کے ترجمان نے اس بات کی تردید کی ہے کہ قیمتوں میں یہ اضافہ براہِ راست ٹیکس کی وجہ سے کیا جا رہا ہے۔

ٹويوٹا کے ترجمان نوبو سوناگا کے مطابق یہ اضافہ ہماری قیمتوں کے باقاعدہ جائزے کا حصہ ہے، جسے ہم وقتاً فوقتاً مارکیٹ کی ضروریات کے مطابق کرتے ہیں۔

مزید برآں، ٹويوٹا کی لگژری برانڈ ‘Lexus’ کی گاڑیوں کی قیمتوں میں بھی اوسطاً 208 ڈالر کا اضافہ کیا جائے گا۔

ماہرین کے مطابق، عالمی آٹو مارکیٹ میں جاری اقتصادی دباؤ، کرنسی کے اتار چڑھاؤ، اور پالیسی تبدیلیاں بھی کار ساز اداروں کے فیصلوں پر اثرانداز ہو رہی ہیں۔