وینزویلین صدر کا اسرائیلی حملوں پر سخت ردعمل: نیو نازی صیہونیت قرار دے دیا

ویب ڈیسک

14th Jun, 2025. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وینزویلین صدر کا اسرائیلی حملوں پر سخت ردعمل: نیو نازی صیہونیت قرار دے دیا

امریکا کے حملے کی صورت میں ہتھیار بند جمہوریہ کا اعلان کروں گا، صدر وینزویلا

وینزویلا کے صدر نکولس مادورو نے ایران پر اسرائیل کے حالیہ حملوں کی شدید مذمت کرتے ہوئے انہیں “مجرمانہ جارحیت” قرار دیا ہے جو ان کے بقول بین الاقوامی قوانین اور اقوامِ متحدہ کے چارٹر کی کھلی خلاف ورزی ہے۔

اپنے بیان میں مادورو نے کہا:

“نہ جنگ، نہ فسطائیت، نہ نیو نازی صیہونیت!”

وینزویلین صدر نے امریکا، برطانیہ، فرانس اور جرمنی پر بھی کڑی تنقید کی اور انہیں موجودہ دور کے “ہٹلر” یعنی اسرائیلی وزیرِ اعظم بنیامین نیتن یاہو کی حمایت کا الزام دیا۔

مادورو نے کہا کہ امریکا، برطانیہ، فرانس اور جرمنی پر امن اور مہذب ایرانی قوم کے خلاف صف آرا ہیں۔

صدر مادورو کا یہ سخت لب و لہجہ بین الاقوامی سطح پر اسرائیل کے بڑھتے ہوئے اقدامات کے خلاف عالمی غصے کی ایک کڑی سمجھا جا رہا ہے۔

انہوں نے عالمی برادری سے مطالبہ کیا کہ وہ اس “ظلم اور جارحیت” کو روکنے کے لیے فوری اقدامات کرے۔