امریکی صدر ڈونلڈ ٹرمپ ایران اسرائیل جنگ میں شامل ہونے کا عندیہ دیتے ہوئے کہا ہے کہ فی الحال امریکا اس جنگ میں شامل نہیں ہے۔

امریکی ٹی وی چینل کی سینئر صحافی ریچل اسکاٹ سے آف کیمرا گفتگو میں صدر ٹرمپ نے کہا کہ امریکا اسرائیل-ایران جنگ میں شامل ہوسکتا ہے، تاہم، انہوں نے واضح کیا کہ “فی الحال امریکا اس جنگ میں شامل نہیں ہے”۔

صدر ٹرمپ نے مزید کہا کہ ایران کے ساتھ جوہری معاہدے پر بات چیت جاری ہے، اگر بات چیت کامیاب نہ ہوئی تو ہم تمام آپشنز پر غور کریں گے۔

مزید پڑھیں: کیا واقعی ایران کے بعد دوسرا نمبر پاکستان کا ہے ؟ ،نیتن یاہو کے ویڈیوکلپ پربحث چھڑگئی

انہوں نے کہا کہ ایران جوہری ہتھیار حاصل نہیں کر سکتا، ٹرمپ نے ایران کے ساتھ مذاکرات کے لیے دباؤ بڑھانے کی حکمت عملی کو “زیادہ سے زیادہ دباؤ” کی حکمت عملی قرار دیا۔

انہوں نے کہا کہ اگر مذاکرات ناکام ہوئے تو ہم فوجی کارروائی بھی کر سکتے ہیں، امریکی صدر نے ایران کے ساتھ مذاکرات کے لیے دو ماہ کی ڈیڈلائن بھی مقرر کی ہے۔

ایران نے اسرائیل کی حالیہ فضائی حملوں کے جواب میں کہا ہے کہ جنگ کے دوران مذاکرات کا کوئی امکان نہیں ہے۔

ایرانی عہدیدار نے بتایا کہ اسرائیلی حملوں کا جواب دینے کے بعد مذاکرات ممکن ہوں گے، ایران نے اس بات کی بھی تردید کی ہے کہ وہ امریکا کے ساتھ مذاکرات کے لیے قطر اور عمان کے ذریعے ثالثی کی درخواست کر رہا ہے۔