کولمبیا، متعدد پولیس اسٹیشنز زوردار دھماکوں سے گونج اٹھے، 7 افراد ہلاک، 28 زخمی

ویب ڈیسک

11th Jun, 2025. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کولمبیا، متعدد پولیس اسٹیشنز زوردار دھماکوں سے گونج اٹھے، 7 افراد ہلاک، 28 زخمی

کولمبیا کے جنوب مغربی علاقوں میں پولیس اسٹیشنز کو نشانہ بنانے والے زوردار دھماکوں کے نتیجے میں کم از کم 7 افراد ہلاک اور 28 زخمی ہو گئے ہیں۔ زخمیوں میں عام شہریوں کے علاوہ پولیس اور فوجی اہلکار بھی شامل ہیں۔

کولمبین نیشنل آرمی کے ترجمان کے مطابق یہ دھماکے کیلی، کاکا اور ڈیل کاکا کے محکموں کے مختلف قصبوں میں پیش آئے، جہاں متعدد پولیس اسٹیشنز کو نشانہ بنایا گیا۔

حملوں کے نتیجے میں کئی عمارتوں کو نقصان پہنچا جبکہ سیکیورٹی فورسز نے فوری طور پر جائے وقوعہ کو گھیرے میں لے کر تفتیش شروع کر دی ہے۔

تاحال کسی گروہ نے ان حملوں کی ذمہ داری قبول نہیں کی، تاہم حکام کا شبہ ہے کہ یہ کارروائیاں مسلح باغی گروپوں یا منشیات فروش تنظیموں کی جانب سے کی جا سکتی ہیں، جو ماضی میں بھی ریاستی اداروں کو نشانہ بناتے رہے ہیں۔

سیکیورٹی ذرائع کے مطابق زخمیوں کو قریبی اسپتالوں میں منتقل کر دیا گیا ہے، جن میں سے بعض کی حالت تشویشناک بتائی جا رہی ہے۔ حکومت نے ان حملوں کی شدید مذمت کرتے ہوئے کہا ہے کہ حملہ آوروں کو جلد انصاف کے کٹہرے میں لایا جائے گا۔

یاد رہے کہ کولمبیا کے جنوبی و مغربی علاقے ماضی میں بھی شورش، منشیات اور مسلح گروہوں کی سرگرمیوں کا مرکز رہے ہیں۔