ایرانی فوج کے چیف آف اسٹاف کے 2 نائبین شہید، ایران نے تصدیق کردی

ویب ڈیسک

14th Jun, 2025. 03:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی فوج کے چیف آف اسٹاف کے 2 نائبین شہید، ایران نے تصدیق کردی

ایرانی مسلح افواج کے جنرل اسٹاف کے دو نائب سربراہان غلام رضا محرابی اور مہدی ربانی اسرائیلی حملوں میں شہید ہو گئے ہیں۔

ایران کے سرکاری میڈیا کے مطابق شہید ہونے والے غلام رضا محرابی عسکری انٹیلی جنس کے سربراہ تھے، جبکہ جنرل مہدی ربانی شعبہ آپریشن کے نائب سربراہ تھے۔ یہ دونوں ان اعلیٰ فوجی کمانڈروں کی فہرست میں شامل ہو گئے ہیں جو اسرائیلی حملے میں جان سے گئے۔

ایرانی میڈیا کی جانب سے دونوں اعلیٰ افسران کی شہادت کے حوالے سے زیادہ تفصیلات نہیں بتائی گئی ہیں اور نہ یہ بتایا گیا ہے کہ ان کی شہادت کب ہوئی۔

یاد رہے کہ جمعے سے جاری اسرائیلی حملوں کے نتیجے میں ایران میں اب تک کم از کم 78 افراد شہید ہو چکے ہیں، جن میں کئی اعلیٰ فوجی افسران بھی شامل ہیں۔ یہ حملے ایران پر اسرائیل کی جانب سے کیے گئے اب تک کے سب سے بڑے حملے شمار کیے جا رہے ہیں۔

معروف برطانوی خبر رساں ایجنسی کو دو علاقائی ذرائع نے بتایا ہے کہ اسرائیلی حملوں میں ایرانی پاسدارانِ انقلاب کے سربراہ اور فضائی فورس کے سربراہ سمیت کم از کم 20 اعلیٰ فوجی کمانڈر شہید ہوئے ہیں۔