فٹ بال کے عالمی سپر اسٹار کرسٹیانو رونالڈو نے سعودی پرو لیگ کے معروف کلب “النصر” کے ساتھ ایک نیا دو سالہ معاہدہ کیا ہے جس کی قابل رشک تفصیلات سامنے آئی ہیں، اور یہ معاہدہ کھیلوں کی تاریخ میں سب سے زیادہ منافع بخش معاہدہ بن چکا ہے۔

تفصیلات کے مطابق رونالڈو کا نیا معاہدہ دو سالوں میں 492 ملین پاؤنڈ (تقریباً 192,001,917,600 پاکستانی روپے) کے برابر ہے۔ یہ رقم روزانہ کی بنیاد پر 488,000 پاؤنڈ (تقریباً 190,440,926پاکستانی روپے) بنتی ہے، جو کہ ایک ناقابل یقین رقم ہے۔

کرسٹیانو رونالڈو کو اس دو سالہ معاہدے میں روزانہ کی بنیاد پر 19 کروڑ سے زائد ملنے والی رقم کو گھنٹوں اور سیکنڈوں پر تقسیم کریں تو حیران کن نتائج سامنے آتے ہیں۔

مزید پڑھیں: کرسٹیانو رونالڈو کی میزبانی، النصر ماہانہ 7 کروڑ روپے ادا کرے گا

روزانہ کی بنیاد پر ملنے والی 19 کروڑ سے زائد کی رقم کو دن کے 24 گھنٹے پر تقسیم کریں تو یہ 79 لاکھ فی گھنٹہ بنتی ہے، اس کا مطلب ہے کہ رونالڈو کو فی منٹ 1 لاکھ 31 ہزار سے زائد رقم ملے گی جبکہ فی سیکنڈ میں ان کا معاوضہ 2183 روپے ہو گا۔

سائننگ بونس اور دیگر فوائد

اس تاریخی معاہدے کے تحت، رونالڈو کو 24.5 ملین پاؤنڈ (تقریباً 9,561,071,100 پاکستانی روپے) کا سائننگ بونس ملے گا، جو دوسرے سال کے آغاز پر بڑھ کر 38 ملین پاؤنڈ (تقریباً 14,829,416,400 پاکستانی روپے) تک پہنچ سکتا ہے۔

اس کے علاوہ، رونالڈو کو النصر میں 15 فیصد کی ملکیت بھی دی گئی ہے، جو کہ 33 ملین پاؤنڈ (تقریباً 12,878,177,400 پاکستانی روپے) کی مالیت رکھتی ہے۔

نیا کردار اور اضافی آمدنی

رونالڈو کو سعودی عرب کے ڈریم ایمبیسیڈر کے طور پر بھی کام کرنے کا موقع ملے گا، جس سے ان کی مجموعی آمدنی معاہدے کے دوران 500 ملین پاؤنڈ (تقریباً 195,123,900,000 پاکستانی روپے) سے تجاوز کر سکتی ہے، خاص طور پر اگر وہ سعودی پرو لیگ جیتنے اور ٹاپ اسکورر بننے جیسے اہداف پر مزید بونس حاصل کرتے ہیں۔

مزید پڑھیں: کرسٹیانو رونالڈو دنیا کے سب سے زیادہ کمانے والے ایتھلیٹ بن گئے

رونالڈو کا لائف اسٹائل بھی سعودی فٹب کلب النصر کی جانب سے مکمل طور پر سپورٹ کیا جائے گا۔ کلب رونالڈو کے 16 رکنی عملے کے اخراجات برداشت کرے گا، جن میں تین ڈرائیور، چار ہاؤس کیپر، دو شیف، تین گارڈنرز اور چار سکیورٹی اہلکار شامل ہیں، جو کہ سالانہ 1.4 ملین پاونڈ (تقریباً 35546,346,920 پاکستانی روپے) کی لاگت پر آئیں گے۔

اس کے علاوہ، ان کو نجی طیارے کے استعمال کے لیے 4 ملین پاؤنڈ (تقریباً 1,560,991,200 پاکستانی روپے) کا الاؤنس دیا گیا ہے، اور سعودی کمپنیوں کے ساتھ تجارتی معاہدوں سے انہیں اضافی 60 ملین پاؤنڈ (تقریباً 23,414,868,000 پاکستانی روپے) کی آمدنی متوقع ہے۔

کرسٹیانو رونالڈو نے گزشتہ سیزن میں 41 میچز میں 35 گول اسکور کیے اور سعودی پرو لیگ کے ٹاپ اسکورر کا اعزاز حاصل کیا۔

ان کے مجموعی گولز کی تعداد اب 111 میچز میں 99 تک پہنچ چکی ہے، اور وہ اپنے کیریئر کے 1000 گولز کے قریب پہنچنے کے لیے پرعزم ہیں، اس وقت ان کے گولز کی تعداد 938 ہے۔

مزید پڑھیں: کرسٹیانو رونالڈو کا سعودی فٹ بال کلب سے تاریخی معاہدہ

دو سالہ معاہدے کی مجموعی رقم

رونالڈو کا نیا معاہدہ مجموعی طور پر 492 ملین پاؤنڈز (تقریباً ایک کھرب 92 ارب سے زائد پاکستانی روپے) کا ہے، جو کہ دو سالوں کے دوران ادا کی جائے گی۔ اس میں سائننگ بونس، ملکیت کی حصص، اضافی بونسز اور دیگر مراعات شامل ہیں، جو اس معاہدے کو کھیلوں کی تاریخ کا سب سے زیادہ منافع بخش معاہدہ بناتے ہیں۔