نوبیاہتا دلہن کو درندہ صفت شوہر نے نشے میں دھت ہو کر درندگی کا نشانہ بنایا، اندرونی اعضا بری طرح متاثر، تشویشناک حالت میں اسپتال میں داخل کردیا گیاہے۔

ڈاکٹرز کے مطابق 20 سالہ شانتی کے پورے جسم کو دانتوں سے بھنبھوڑا گیا ہے، اندرونی اعضا بری طرح متاثر ہوئے ہیں، زخم بڑی آنت تک آئے ییں، شانتی کی حالت اس وقت تشویشناک ہے، اور وہ اس وقت وینٹیلیٹر پر ہے۔

مزید پڑھیں: پاکستان میںخواتین پر تشدد کے واقعات عموماًمنظر عام پر نہیں آتے

انتظامیہ نے بتایا کہ شانتی 21 روز سے تشویشناک حالت میں اسپتال میں میں زیر علاج  ہے، متاثرہ دلہن کو ٹراما سینٹر سے قبل لیاری جنرل، پھر نجی اسپتال اور اسکے بعد چند روز قبل ٹراما سینٹر منتقل کیا گیا ہے۔

اسپتال انتظامیہ کا کہنا ہے کہ شانتی کی حالت تشویشناک ہے،اسکی جان بچانے کی ہر ممکن کوشش کی جارہی ہے۔

متاثرہ دلہن کی والدہ نے بتایا کہ شانتی کی شادی 15 جون کو اشوک سے ہوئی، 17 جون کو اشوک نے شانتی کو شدید زیادتی اور  تشدد کا نشانہ بنایا، حالت تشویشناک ہونے پر اسپتال لے کر پہنچے۔

مزید پڑھیں: صوبائی ہائیکورٹس کے نئے چیف جسٹس تعینات، نوٹیفکیشن جاری

والدہ سونا کے مطابق شانتی کی حالت خراب ہونے پر تیسری بار اسپتال بدلنا پڑا، پہلے لیاری اسپتال پھر نجی اسپتال اور اب ٹراما سینٹرلائی ہوں، شانتی کا بہت خون بہہ چکا تھا، زخموں میں روئی بھری ہوئی تھی،

انھوں نے حکام سے انصاف کا مطالبہ کرتے ہوئے کہا کہ میری بیٹی کو  نشے میں دھت ہو کر درندگی کا نشانہ بنایا گیا، میری بیٹی اگر مرگئی تو میرے داماد کو بھی زندہ رہنے کا حق نہیں۔