امریکی حسینہ پاکستانی نوجوان کی محبت کی اسیر ہو کر پاکستان پہنچ گئی

ویب ڈیسک

01st Jul, 2025. 12:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی حسینہ پاکستانی نوجوان کی محبت کی اسیر ہو کر پاکستان پہنچ گئی

امریکی حسینہ اور پاکستانی نوجوان کے درمیان ہونے والی فیس بک کی دوستی محبت میں تبدیل ہوگئی، امریکی خاتون نوجوان سے شادی کیلئے پاکستان پہنچ گئی۔

امریکی ریاست شکاگو سے تعلق رکھنے والی امریکی خاتون دیر کے نوجوان سے شادی کے لیے پاکستان کے صوبہ خیبر پختونخواہ پہنچی ہے۔

پولیس حکام کے مطابق دیر اپر کے نوجوان ساجد زیب خان سے شادی کے لیے امریکی خاتون دیر پہنچ چکی ہے۔

لڑکے نے پولیس کو بتایا کہ انہیں پولیس سکیورٹی کی ضرورت نہیں، وہ جلد شادی کرنے والے ہیں۔

ساجد زیب کے مطابق امریکی لڑکی مینڈی کے ساتھ اس کا 2 سال قبل پہلا رابطہ فیس بک کے ذریعے ہوا اور اس دوران مینڈی نے مجھے پروپوز کیا تو میں نے ہاں کردی اور ہم دونوں نے اپنے اپنے گھر والوں کو اعتماد میں لیا۔

ساجد زیب کے مطابق اتوار کو مینڈی کا اسلام آباد ائیر پورٹ پر گلدستے کے ساتھ استقبال کیا۔ اسلام آباد سے آبائی گاوں عشیرئی درہ صدیقہ بانڈہ پہنچنے پر مقامی لوگوں نے خوشی کا اظہار کیا۔

ساجد کے مطابق مینڈی شکاگو کی رہائشی اور ائیرہوسٹس ہے، اسلامی اصولوں اور مقامی رسم و رواج کے مطابق کل نکاح کریں گے۔

مینڈی نے ساجد کے ساتھ اس کے گھر میں بیٹھ کر ویڈیو بیان میں کہا کہ وہ پہلی بار پاکستان آئی ہے، یہاں پہنچنے پر معلوم ہوا کہ پاکستان خوبصورت اور پرامن ملک ہے۔