ڈاکوؤں نے رحیم یار خان سے 13 مزدور اغوا کر لیے، پولیس حدود کے تعین میں مصروف

ویب ڈیسک

01st Jul, 2025. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈاکوؤں نے رحیم یار خان سے 13 مزدور اغوا کر لیے، پولیس حدود کے تعین میں مصروف

کچے کے ڈاکوؤں نے پنجاب کے شہر رحیم یار خان سے 13 افراد کو اغوا کر لیا ہے، پولیس فوری طور پر کارروائی کرنے کے بجائے حدود کے تعین میں مصروف ہے۔

مقامی پولیس ذرائع نے بتایا کہ باغ میں مزدوری کرنے والے 13 افراد کو نامعلوم ڈاکوؤں نے اغوا کر لیا ہے، جن میں دو کم سن بچے بھی شامل ہیں۔

ڈی پی او رحیم یار خان نے مزدوروں کے اغوا کی تصدیق کرتے ہوئے بتایا کہ تھانے کی حدود کا تعین کیا جا رہا ہے، واردات سون میانی اور بھونگ کے قریب پیش آئی ہے، مغویوں کو بازیاب کرانے کے لیے تھانے کی حدود کا تعین کیا جارہا ہے۔

ڈی پی او نے کہا کہ متاثرہ خاندانوں کو انصاف فراہم کرنے اور اغوا شدگان کی فوری بازیابی کے لئے علاقائی پولیس ٹیمیں، انٹیلی جنس ڈیوژن، اور علاقائی حدود کی وضاحت پر تیزی سے کام کر رہی ہیں۔

پولیس حکام کے مطابق اغوا ہونے والے مزدوروں میں رشید احمد، وسیم احمد، ندیم احمد، صدام حسین، گل حسن، بلال، حنیف، ندیم، کاشف، ماجد، عمیر، شاہ میر اور تنویر شامل ہیں۔

پولیس حکام کے مطابق اغوا ہونیوالوں میں دو کم سن بچے بھی شامل ہیں۔