وزیر اعلیٰ سندھ نے حیدرآباد میں موسلادھار بارش کے بعد ابتر صورتحال کا نوٹس لے لیا

ویب ڈیسک

14th Jul, 2025. 08:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ سندھ نے حیدرآباد میں موسلادھار بارش کے بعد ابتر صورتحال کا نوٹس لے لیا

وزیراعلیٰ سندھ سید مراد علی شاہ نے شہر حیدرآباد میں حالیہ موسلا دھار بارشوں کے بعد پیدا ہونے والی صورتحال کا نوٹس لیا اور میئر حیدرآباد سے رابطہ کیا۔

وزیراعلیٰ نے فوری طور پر بارش کے پانی کی نکاسی کے لیے ضروری اقدامات کی ہدایت کی۔

ترجمان کے مطابق وزیراعلیٰ سندھ نے میئر حیدرآباد سے تفصیلی بریفنگ لی، جس میں حیسکو کے فیڈرز ٹرپ ہونے کی وجہ سے پمپنگ اسٹیشنز کی بندش کی معلومات فراہم کی گئی۔

میئر حیدرآباد نے وزیراعلیٰ کو آگاہ کیا کہ فیڈرز ٹرپ ہونے کی وجہ سے نکاسی آب میں رکاوٹ پیش آ رہی ہے۔

وزیراعلیٰ سندھ نے وزیر توانائی کو ہدایت دی کہ وہ حیسکو سے رابطہ کر کے پمپنگ اسٹیشنز کی بجلی کو فوری بحال کرائیں، تاکہ نکاسی آب کا عمل دوبارہ شروع ہو سکے۔

وزیراعلیٰ سندھ نے کمشنر حیدرآباد کو بھی ہدایت کی کہ وہ فیلڈ میں موجود رہ کر صورتحال کی خود نگرانی کریں اور تمام ضروری انتظامات کریں تاکہ عوام کے جان و مال کا تحفظ یقینی بنایا جا سکے۔

مزید برآں وزیراعلیٰ نے تمام اہم شاہراہوں کو فوری طور پر بحال کرنے کا حکم دیا تاکہ عوام کو کم سے کم مشکلات کا سامنا ہو سکے۔

وزیراعلیٰ سندھ کا کہنا تھا کہ عوام کو فوری ریلیف فراہم کرنا حکومت کی اولین ترجیح ہے، اور کسی بھی قسم کی کوتاہی برداشت نہیں کی جائے گی۔