ایشیا کپ میں پاکستان بھارت کس تاریخ کوٹکرائیں گے؟۔ صدرایشین کرکٹ کونسل محسن نقوی نے ایشیا کپ 2025 کی تاریخوں کا باضابطہ اعلان کر دیا ہے۔

محسن نقوی نے ایکس (سابقہ ٹوئٹر) پر جاری کردہ پیغام میں بتایا کہ ایشیا کپ 2025 متحدہ عرب امارات (یو اے ای) میں 9 ستمبر سے 28 ستمبر تک منعقد کیا جائے گا۔

مزید پڑھیں: ایشیا کپ کی میزبانی اور مقام کا فیصلہ آج ACC اجلاس میں متوقع

ایونٹ کے تفصیلی شیڈول کا اعلان کر دیا گیاہے ۔ ایشیا کپ 2025 کے انعقاد کی تصدیق سے شائقین کرکٹ میں خوشی کی لہر دوڑ گئی۔

خصوصاًایسے وقت میں جب جنوبی ایشیا میں عالمی کرکٹ کاماحول کئی بار سیاسی کشیدگی کی وجہ سے متاثررہاہے۔

مزید پڑھیں: ایشیا کپ پر بھارتی ضد برقرار، مگر ورلڈ کپ میں ’جی حضور‘

واضح رہے کہ ایشیا کپ کا شمار براعظم ایشیا کے سب سے بڑے کرکٹ ایونٹس میں ہوتا ہے۔جس میں بھارت، پاکستان، سری لنکا، بنگلہ دیش، افغانستان، نیپال سمیت کئی دیگر ایشیائی ٹیمیں شرکت کرتی ہیں۔

محسن نقوی نے اپنے پیغام میں کہا کہ ایشیا کپ کرکٹ کے فروغ کے لیے ایک اہم موقع ہوگا۔اور یو اے ای ایک بار پھر اس ایونٹ کی کامیاب میزبانی کرے گا۔

ایشیاکپ کا اعلان کردہ شیڈول

پاکستان،بھارت،یواےای اورعمان گروپ اے میں شامل ہیں۔ بنگلادیش، سری لنکا، افغانستان اور ہانگ کانگ گروپ بی میں رکھاگیاہے۔

ایشیاکپ کاپہلامیچ9ستمبرکوافغانستان اور ہانگ کانگ کے درمیان ہوگا۔پاکستان ایشیاکپ میں اپنا پہلا میچ 12 ستمبر کو عمان کے خلاف کھیلے گا۔

ایونٹ میں پاکستان اور بھارت کے درمیان گروپ میچ 14 ستمبرکوہوگا۔ایشیا کپ ٹی 20 فارمیٹ کا فائنل 28 ستمبر کو کھیلا جائے گا۔