پنجاب اور خیبرپختونخواہ میں موسلادھار بارشوں کی پیشگوئی، الرٹ جاری

ویب ڈیسک

23rd Jul, 2025. 07:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب اور خیبرپختونخواہ میں موسلادھار بارشوں کی پیشگوئی، الرٹ جاری

کراچی میں وقفے وقفے سے موسلادھار بارش کا سلسلہ جاری

محکمہ موسمیات نے آئندہ 12 سے 24 گھنٹوں کے دوران پنجاب اور خیبرپختونخواہ کے مختلف علاقوں میں تیز ہواؤں کے ساتھ موسلادھار بارش کی پیشگوئی کردی ہے۔

خیبر پختونخواہ کے اضلاع چترال، دیر، سوات، کالام، مانسہرہ، بٹگرام، ایبٹ آباد، ہری پور، صوابی، مردان، پشاور، چارسدہ، کوہاٹ، ہنگو اور گردونواح میں شدید بارشوں کا امکان ہے۔

اسی طرح اسلام آباد سمیت پنجاب کے مختلف علاقے راولپنڈی، جہلم، چکوال، تلہ گنگ، منڈی بہاؤالدین، گجرات، گوجرانوالہ، نارووال، حافظ آباد، چنیوٹ، لاہور، سیالکوٹ، سرگودھا، فیصل آباد، قصور، اوکاڑہ، ساہیوال، پاکپتن اور دیگر علاقوں میں بھی وقفے وقفے سے موسلادھار بارش متوقع ہے۔

موسمی صورتحال کے پیش نظر درختوں کے گرنے، بجلی کی فراہمی میں تعطل، کمزور عمارتوں کو نقصان اور حد نگاہ کم ہونے سے ٹریفک حادثات کا خدشہ ظاہر کیا گیا ہے۔

محکمہ موسمیات نے عوام کو خبردار کیا ہے کہ درختوں، بلبورڈز اور کمزور تعمیرات سے دور رہیں، گاڑیوں کو محفوظ مقامات پر پارک کریں، بارش کے دوران غیر ضروری سفر سے اجتناب کریں اور موسمی اپڈیٹس اور مقامی انتظامیہ کی ہدایات پر عمل کریں۔