چین کے دارالحکومت بیجنگ میں منعقد ہونے والے پہلے روبو لیگ (ROBO League) روبوٹ فٹبال ٹورنامنٹ نے ٹیکنالوجی کے میدان میں ایک نیا باب رقم کر دیا، جہاں مصنوعی ذہانت (AI) سے چلنے والے روبوٹس نے فٹبال کے میدان میں ایک دوسرے کے خلاف جوہر دکھائے۔

ٹورنامنٹ میں 3 بمقابلہ 3 کے دلچسپ میچز ہوئے، جن میں خالصتاً خودکار AI حکمت عملیوں کے تحت روبوٹ کھلاڑیوں نے گول کرنے کی کوشش کی۔

اس جدید نوعیت کے مقابلے کو دیکھنے کے لیے ہزاروں شائقین اسٹیڈیم میں موجود تھے، جنہوں نے ٹیکنالوجی اور کھیل کے حسین امتزاج کو بے حد سراہا۔

ٹورنامنٹ کے منتظمین کی جانب سے جاری بیان میں ڈو جِنگ، ایگزیکٹو ڈائریکٹر روبو لیگ اور شانگ یِ چنگ ٹیکنالوجی اینڈ کلچر گروپ کے ڈپٹی جنرل منیجر، نے کہا کہ یہ چین میں پہلی مکمل خودکار AI روبوٹ فٹبال میچ ہے۔ ی

ہ ایجادات اور ان کے صنعتی اطلاق کا عملی مظاہرہ ہے، اور روبوٹس کو عام زندگی اور حقیقی دنیا کے منظرناموں میں متعارف کرانے کی ایک اہم کوشش ہے۔

ٹورنامنٹ کا فائنل میچ تھنگھوا یونیورسٹی کی THU روبوٹکس ٹیم اور چائنا ایگریکلچرل یونیورسٹی کی ماونٹین سی ٹیم کے درمیان کھیلا گیا، جس میں THU ٹیم نے 5-3 سے کامیابی حاصل کی۔

یہ ٹورنامنٹ اگست 2025 میں بیجنگ میں منعقد ہونے والے ورلڈ ہیومینوئڈ روبوٹ اسپورٹس گیمز کی تیاری کا حصہ ہے، جو دنیا بھر کے جدید ترین روبوٹس اور AI ٹیکنالوجی کو ایک جگہ جمع کرے گا۔

روبو لیگ جیسے ایونٹس نہ صرف مصنوعی ذہانت اور روبوٹکس کے شعبے میں چین کی ترقی کو اجاگر کرتے ہیں بلکہ مستقبل میں کھیل، تعلیم اور انڈسٹری میں ان ٹیکنالوجیز کے بڑھتے ہوئے کردار کا بھی پتہ دیتے ہیں۔