مودی سرکار کے من گھڑت “میڈ اِن انڈیا” بیانیے کی قلعی کھل گئی, چینی تعاون کے بغیر بھارت کی آئی ٹی اور الیکٹرونکس صنعت مفلوج  ہوگئی ہے۔

چین نے گزشتہ چھ ماہ میں بھارت سے 100 سے زائد چینی ماہرین واپس بلا لیے  ہیں، جس سے مودی سرکار کی خود انحصاری کے فریب  کا پردہ چاک ہوگیا ہے اور بھارت کے پیداواری معیشت ہونے کا مصنوعی دعویٰ دنیا کے سامنے بے نقاب ہوگیا ہے۔

مزید پڑھیں: مقبوضہ جموں و کشمیر – جنت کی ایک خوف زدہ روح

رپورٹس کے مطابق چینی انجینئرز کی واپسی کے بعد بھارت کی آئی فون پروڈکشن لائن سست روی اور ناکامی کا شکار ہوگئی ہے، جس نے مودی سرکار کے فریب کو آشکار کردیا ہے۔

پریس ریڈر کے مطابق فاکسکون کے چینی ماہرین کی واپسی نے بھارت میں ایپل کی پیداوار میں توسیع اور آمدنی میں اضافے کی امیدوں کو شدید دھچکا پہنچایا ہے، بھارتی حکومت کے دعووں کے برعکس، مقامی اسمبلی لائنز چینی ماہرین کی عدم موجودگی میں خودکفالت ثابت کرنے میں ناکام دکھائی دے رہی ہے۔

مزید پڑھیں: پاک بھارت جنگ کے دوران بھارتی میڈیا نے جھوٹا پروپیگنڈہ پھیلایا، نیویارک ٹائمز

رپورٹ کے مطابق، بھارت میں ویلیو ایڈیشن یعنی “خالص منافع” اب براہِ راست چینی تکنیکی معاونت سے منسلک ہو چکا ہے، فاکسکون کی بھارتی سبسڈری “رائزنگ اسٹارز ہائی ٹیک” چینی ماہرین کے بغیر پیداواری اہداف حاصل کرنے سے قاصر نظر آتی ہے۔

رپورٹ کے مطابق بھارت میں 80 سے 90 ملین آئی فونز سالانہ تیار کرنے کا ہدف اب چینی ماہرین کے بغیر صرف ایک تخمینہ محسوس ہوتا ہے، چینی انجینئرز کی واپسی نے بھارت میں ایپل کی طویل مدتی سرمایہ کاری کے عمل کو بھی غیر یقینی بنا دیا ہے۔

مزید پڑھیں: بھارت میں عام انتخابات سے قبل ورلڈ اکنامک فورم کی گلوبل رسک رپورٹ منظرِ عام پر آگئی

پریس ریڈر  کے مطابق بھارت کی 500 ارب ڈالر الیکٹرانکس معیشت کا خواب، چینی مہارت کے بغیر زمینی حقیقت سے کوسوں دور جاچکا ہے، نقصان پر قابو پانے کے لیے امریکی، ویتنامی اور تائیوانی ماہرین کو متبادل کے طور پر لایا گیا ہے۔

رپورٹ کے مطابق بھارت کے پاس کوئی تربیت یافتہ مقامی فورس نہیں، اسی لیے بیرونی ماہرین پر انحصار کیا جارہا ہے، مودی سرکار کے جھوٹے دعوے اور ناکام پالیسیاں، بھارت اور عالمی سرمایہ داروں کے لیے خودکشی بنتے جا رہے ہیں۔