برساتی بادل پہنچ گئے، سندھ بھر میں موسلا دھار بارش کا امکان

اسٹاف رپورٹر

19th Jul, 2025. 03:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برساتی بادل پہنچ گئے، سندھ بھر میں موسلا دھار بارش کا امکان

بارش برسانے والا موسمی نظام سندھ کے بالائی و وسطی علاقوں میں متحرک ہو رہا ہے، جس کے باعث صوبے کے متعدد اضلاع میں بارش کی توقع ہے۔

محکمہ موسمیات کے مطابق بارش برسانے والا موسمی نظام سندھ کے بالائی و وسطی علاقوں میں متحرک ہو رہا ہے، جس کے باعث آئندہ 3 سے 6 گھنٹوں کے دوران صوبے کے متعدد اضلاع میں بارش کی توقع ہے۔

محکمہ موسمیات کے مطابق نوشہرو فیروز، خیرپور، بدین، شہید بے نظیر آباد اور تھرپارکر کے علاقوں میں بارش کا امکان ہے، جب کہ دادو، امرکوٹ، مٹھی، سانگھڑ اور گھوٹکی میں بھی بارش متوقع ہے۔

مزید برآں میرپور خاص، لاڑکانہ، مٹیاری، حیدرآباد، ٹنڈو الہ یار، ٹنڈو محمد خان، شکارپور، کشمور اور سکھر میں بھی بادل برسنے کی پیشگوئی کی گئی ہے۔

محکمہ موسمیات کا کہنا ہے کہ سندھ کے ساحلی علاقوں میں بھی چند مقامات پر گرج چمک اور تیز ہواؤں کے ساتھ موسلادھار بارش کا امکان ہے۔

عوام کو ہدایت کی گئی ہے کہ ممکنہ اربن فلڈنگ اور نشیبی علاقوں میں پانی جمع ہونے سے بچاؤ کے لیے احتیاطی تدابیر اختیار کریں۔