عراق کے شاپنگ مال میں ہولناک آتشزدگی، 50 افراد جاں بحق، تین روزہ سوگ کا اعلان

ویب ڈیسک

17th Jul, 2025. 12:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عراق کے شاپنگ مال میں ہولناک آتشزدگی، 50 افراد جاں بحق، تین روزہ سوگ کا اعلان
چارلی کرک کی اہلیہ کا قاتل کو معاف کرنے کا اعلان؛ ٹرمپ نے ’’آزادی کا شہید‘‘ قرار دے دیا
امریکا کا فلسطینی صدر محمود عباس کو ویزہ دینے سے انکار، جنرل اسمبلی اجلاس سے ویڈیو لنک پر خطاب کریں گے
پرتگال کا فلسطین کو ریاست تسلیم کرنے کا اعلان، فرانسیسی صدر نے اسرائیل کو ناکام قرار دے دیا

Now Reading:

عراق کے شاپنگ مال میں ہولناک آتشزدگی، 50 افراد جاں بحق، تین روزہ سوگ کا اعلان

کراچی: صدر میں آتش بازی کے سامان کے گودام میں دھماکہ، 10 افراد زخمی

مشرقی عراقی شہر کوت میں کے ایک بڑے شاپنگ مال میں لگنے والی آگ نے ہولناک تباہی مچائی، جس کے نتیجے میں کم از کم 50 افراد جاں بحق اور متعدد زخمی ہو گئے ہیں۔

صوبہ واسط کے گورنر محمد المیاحی نے سرکاری خبر رساں ایجنسی INA سے بات کرتے ہوئے بتایا کہ شاپنگ سینٹر میں المناک آتشزدگی کے باعث شہدا اور زخمیوں کی تعداد تقریباً 50 تک پہنچ چکی ہے۔

ہائپر مال میں آگ رات گئے بھڑکی، جس کی وجہ تاحال معلوم نہیں ہو سکی۔

کوت شہر بغداد سے تقریباً 160 کلومیٹر جنوب مشرق میں واقع ہے، جہاں اسپتالوں میں آج صبح 4 بجے تک زخمیوں کو منتقل کیا جا رہا تھا۔

ایک غیر ملکی خبر رساں ادارے کے نمائندے نے بتایا کہ مال کو کھلے ہوئے صرف پانچ دن ہوئے تھے، آگ پہلی منزل سے شروع ہونے کی ابتدائی اطلاعات موصول ہوئی ہیں، نمائندے نے اسپتال میں جھلسی ہوئی لاشیں دیکھنے کی تصدیق بھی کی۔

گورنر المیاحی نے تین روزہ سوگ کا اعلان کرتے ہوئے کہا ہے کہ عمارت اور مال کے مالک کے خلاف مقدمہ درج کیا جائے گا۔

واقعے نے مقامی سطح پر شدید غم و غصے اور افسوس کی لہر دوڑا دی ہے، حکام کا کہنا ہے کہ واقعے کی مکمل تحقیقات کی جائیں گی۔