سہ ملکی ریلوے پروجیکٹ میں اہم پیشرفت، پاکستان، افغانستان اور ازبکستان نے فریم ورک پر دستخط کر دیے

ویب ڈیسک

17th Jul, 2025. 08:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سہ ملکی ریلوے پروجیکٹ میں اہم پیشرفت، پاکستان، افغانستان اور ازبکستان نے فریم ورک پر دستخط کر دیے

پاکستان، افغانستان اور ازبکستان نے سہ ملکی ریلوے پروجیکٹ کے لیے مشترکہ فیزیبلٹی سٹڈی کے فریم ورک پر دستخط کر دیے ہیں، جو تینوں ممالک کے درمیان تعلقات کو مضبوط بنانے اور خطے میں ترقی کے مشترکہ عزم کا مظہر ہے۔

ترجمان دفتر خارجہ نے بتایا کہ فریم ورک پر دستخط سے قبل کابل میں تینوں ممالک کے وزرائے خارجہ کا اجلاس منعقد ہوا جس میں ریلوے پروجیکٹ کی اہمیت، اس کے ممکنہ فوائد اور عملی اقدامات پر تفصیلی گفتگو کی گئی۔

یہ سہ ملکی ریلوے پروجیکٹ نہ صرف تینوں ملکوں کے اقتصادی اور تجارتی روابط کو فروغ دے گا بلکہ خطے میں رابطوں اور تعاون کے نئے دور کا آغاز بھی ثابت ہوگا۔

ترجمان نے کہا کہ یہ منصوبہ پاکستان، افغانستان اور ازبکستان کے درمیان دیرپا دوستی اور مشترکہ ترقی کی عکاسی کرتا ہے، اور اس کی کامیابی سے خطے میں اقتصادی استحکام اور خوشحالی میں اضافہ ہوگا۔