یوم عاشور، بہترین سیکیورٹی انتظامات پر اے آئی جی کراچی کی پولیس کو شاباش

ویب ڈیسک

06th Jul, 2025. 09:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

یوم عاشور، بہترین سیکیورٹی انتظامات پر اے آئی جی کراچی کی پولیس کو شاباش
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

یوم عاشور، بہترین سیکیورٹی انتظامات پر اے آئی جی کراچی کی پولیس کو شاباش

ایڈیشنل آئی جی کراچی جاوید عالم اوڈھو نے یوم عاشور اور محرم الحرام کے دوران شاندار سیکیورٹی اور ٹریفک انتظامات پر کراچی پولیس کو سراہتے ہوئے شاباش دی ہے۔

ان کا کہنا تھا کہ پولیس نے عوام کے جان و مال کے تحفظ کو ترجیح دیتے ہوئے بھرپور ذمہ داری کا مظاہرہ کیا۔

ایڈیشنل آئی جی کے مطابق، کراچی میں نشتر پارک سمیت شہر کے مختلف علاقوں میں مجالس اور جلوسوں کا پرامن انعقاد پولیس، ٹریفک حکام، ریسکیو اداروں اور منتظمین کے مثالی تعاون کا نتیجہ ہے۔

انہوں نے ٹریفک پولیس کی حکمت عملی کو خاص طور پر سراہتے ہوئے کہا کہ مرکزی جلوس کے دوران شہریوں کی سہولت کے لیے متبادل راستوں کی پیشگی فراہمی قابل تحسین اقدام تھا، جس سے شہریوں کو غیر ضروری مشکلات کا سامنا نہیں کرنا پڑا۔

جاوید عالم اوڈھو نے میڈیا نمائندگان کا بھی شکریہ ادا کیا جنہوں نے صورتحال کی بروقت اور ذمہ دارانہ کوریج فراہم کی۔ اس کے ساتھ ہی انہوں نے جلوس کے منتظمین، عزاداران، اور دیگر قانون نافذ کرنے والے اداروں کے تعاون کو بھی سراہا۔

ایڈیشنل آئی جی کا کہنا تھا کہ کراچی پولیس کی اولین ترجیح ہمیشہ سے شہریوں کے جان و مال کا تحفظ اور شہر میں امن و امان کا قیام رہی ہے، اور مستقبل میں بھی اس مقصد کے لیے بھرپور اقدامات جاری رکھے جائیں گے۔