راولپنڈی انسٹیٹیوٹ آف کارڈیالوجی میں ہیلپر کے ذریعے غلط ای سی جی کا انکشاف، بدتمیزی کی ویڈیو وائرل

اسٹاف رپورٹر

13th Jul, 2025. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راولپنڈی انسٹیٹیوٹ آف کارڈیالوجی میں ہیلپر کے ذریعے غلط ای سی جی کا انکشاف، بدتمیزی کی ویڈیو وائرل

راولپنڈی میں واقع انسٹیٹیوٹ آف کارڈیالوجی میں سامنے آیا ہے کہ ایک مریض کا ای سی جی عملے کے ایک ہیلپر نے لیا، حالانکہ ہیلپر ٹیکنیشن نہیں تھا۔

ویڈیو میں دیکھا جا سکتا ہے کہ ای سی جی کروانے والے عملے نے مریضوں سے غیر پیشہ ورانہ اور بدتمیزی پر مبنی رویہ اختیار کیا، جس سے اہلِ خانہ میں شدید غم و غصہ پایا جاتا ہے۔

ذرائع کے مطابق یہ ہیلپر شعیب نجی کمپنی کے جینی ٹوریل عملے کا رکن ہے اور مبینہ طور پر کئی بار اسپتال انتظامیہ کی جانب سے ہٹایا بھی گیا ہے۔

اسپتال کے ترجمان نے تصدیق کی ہے کہ معاملہ سامنے آنے پر انکوائری کمیٹی قائم کی گئی ہے، جو واقعے کی مکمل جانچ کرے گی اور رپورٹ میڈیا سے شیئر کی جائے گی۔

اسپتال انتظامیہ کا کہنا ہے کہ ای سی جی کے بڑھتے ہوئے ورک لوڈ کے بعض اوقات ہیلپرز کو ٹیکنیشن کے ساتھ لگایا جاتا ہے، لیکن یہ اصولی طور پر قابل قبول نہیں۔

انتظامیہ نے عوام سے معذرت کرتے ہوئے وعدہ کیا ہے کہ انکوائری مکمل ہونے اور عوامل کے واضح ہونے کے بعد مناسب کارروائی کی جائے گی، اور مریضوں کے ساتھ پیشہ ورانہ رویے کے فروغ کے لیے اقدامات کیے جائیں گے۔