لارڈز ٹیسٹ: محمد سراج پر بیٹر کے خلاف جارحانہ رویہ اپنانے پر جرمانہ

ویب ڈیسک

14th Jul, 2025. 04:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لارڈز ٹیسٹ: محمد سراج پر بیٹر کے خلاف جارحانہ رویہ اپنانے پر جرمانہ

لارڈز میں جاری ٹیسٹ میچ کے دوران بھارتی فاسٹ بولر محمد سراج کو آئی سی سی کی جانب سے ضابطہ اخلاق کی خلاف ورزی پر جرمانہ عائد کر دیا گیا ہے۔

سراج پر یہ کارروائی اس وقت کی گئی جب انہوں نے حریف بیٹر کے خلاف جارحانہ رویہ اختیار کرتے ہوئے ناروا زبان استعمال کی۔

میچ ریفری کے مطابق محمد سراج نے آئی سی سی کے لیول 1 ضابطہ اخلاق کی خلاف ورزی کی، جو کھلاڑیوں کے لیے کھیل کے دوران احترام اور وقار کو یقینی بنانے سے متعلق ہے۔

سراج کو ان کے میچ فیس کا 50 فیصد جرمانہ ادا کرنا ہوگا، اور ان کے ڈسپلنری ریکارڈ میں ایک ڈیمرٹ پوائنٹ بھی شامل کر دیا گیا ہے۔

واقعہ میچ کے تیسرے دن پیش آیا جب سراج کی ایک جارحانہ گیند پر بیٹر نے ردعمل دیا، جس کے جواب میں سراج نے سخت الفاظ کا استعمال کیا۔ میدان میں موجود امپائروں نے فوراً مداخلت کی اور معاملے کی رپورٹ میچ ریفری کو دی۔

بھارتی ٹیم مینجمنٹ نے سراج کے رویے پر افسوس کا اظہار کرتے ہوئے کہا ہے کہ وہ اپنے کھلاڑی کو ضابطہ اخلاق کی پاسداری کی اہمیت سے آگاہ کریں گے۔

آئی سی سی کے ضوابط کے مطابق، اگر کسی کھلاڑی کے 24 ماہ میں 4 یا اس سے زیادہ ڈیمرٹ پوائنٹس ہو جائیں تو ایک یا زائد میچز کی پابندی بھی لگائی جا سکتی ہے۔