یونان کا جزیرہ آگ کی لپیٹ میں، دو ہلاکتیں، سیکڑوں افراد کی نقل مکانی

ویب ڈیسک

03rd Jul, 2025. 12:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یونان کا جزیرہ آگ کی لپیٹ میں، دو ہلاکتیں، سیکڑوں افراد کی نقل مکانی

یونان کا جزیرہ آگ کی لپیٹ میں، دو ہلاکتیں، سیکڑوں افراد محفوظ مقام پر منتقل

یونان کے معروف سیاحتی جزیرے کریٹ میں شدید آتشزدگی کے باعث حالات سنگین ہو گئے ہیں۔

حکام کے مطابق تیز ہواؤں اور خشک موسم کی وجہ سے آگ تیزی سے پھیل رہی ہے، جس کے باعث قریبی رہائشی علاقوں اور جنگلات کو شدید نقصان پہنچا ہے۔

فائر بریگیڈ اور ریسکیو ٹیمیں متاثرہ علاقوں میں کارروائیوں میں مصروف ہیں۔ آگ بجھانے کے لیے ہیلی کاپٹرز اور خصوصی طیاروں کی مدد بھی لی جارہی ہے۔ اب تک دو افراد کے ہلاک ہونے کی تصدیق ہو چکی ہے جبکہ متعدد زخمی اسپتال منتقل کیے گئے ہیں۔

حکام کا کہنا ہے کہ سیکڑوں افراد کو حفاظتی تدابیر کے تحت جزیرے کے محفوظ علاقوں میں منتقل کر دیا گیا ہے۔ سیاحوں کو بھی فوری طور پر علاقہ چھوڑنے کی ہدایات جاری کی گئی ہیں، جس کے باعث جزیرے کے ہوائی اڈے اور بندرگاہ پر رش دیکھنے میں آیا ہے۔

یونانی وزیر داخلہ نے متاثرہ علاقوں کا دورہ کرتے ہوئے امدادی کارروائیوں کی نگرانی کی اور حالات کو قابو میں لانے کے لیے فوج سے بھی مدد طلب کی ہے۔ انہوں نے کہا کہ شہریوں کی سلامتی اولین ترجیح ہے اور حکومت تمام وسائل بروئے کار لا رہی ہے۔

کریٹ میں آگ لگنے کی وجوہات کا تاحال تعین نہیں ہو سکا، تاہم ماہرین کا کہنا ہے کہ شدید گرمی اور خشک سالی کے باعث یونان کے مختلف علاقوں میں جنگلاتی آگ کے خطرات بڑھ گئے ہیں۔ رواں سال یہ پہلا بڑا واقعہ ہے جس نے حکام کو الرٹ کر دیا ہے۔