غزہ: بھوک سے مزید 7، اسرائیلی حملوں میں 21 فلسطینی شہید

ویب ڈیسک

30th Jul, 2025. 04:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ: بھوک سے مزید 7، اسرائیلی حملوں میں 21 فلسطینی شہید

اسرائیلی حملے تیز، غزہ میں مزید تباہی، 77 شہید، فلسطینیوں کا انخلا جاری

قحط اور غذائی قلت کے باعث مزید 7 فلسطینی شہید ہو گئے ہیں، جس سے بھوک سے ہلاکتوں کی مجموعی تعداد 154 ہو گئی ہے۔

اسپتال ذرائع کے مطابق، غزہ بھر میں اسرائیلی حملے ابھی بھی جاری ہیں جن میں آج صبح سے کم از کم 21 فلسطینی شہید ہو چکے ہیں، جن میں امداد کے حصول کی کوشش کرنے والے کئی افراد بھی شامل ہیں۔

ادھر برطانیہ کے وزیراعظم کیئر اسٹارمر نے کابینہ اجلاس میں عندیہ دیا ہے کہ اگر اسرائیل نے ستمبر تک جنگ بندی اور مستقل امن عمل کی جانب کوئی سنجیدہ پیش رفت نہ کی، تو برطانیہ ریاستِ فلسطین کو باضابطہ طور پر تسلیم کر لے گا۔

واضح رہے کہ اسرائیل کے غزہ پر مسلسل حملوں میں اب تک کم از کم 60,034 فلسطینی شہید اور 145,870 زخمی ہو چکے ہیں۔

غزہ کی صورتحال بدستور تشویشناک ہے، اور عالمی برادری کی جانب سے فوری جنگ بندی اور انسانی امداد کی فراہمی کا مطالبہ زور پکڑ رہا ہے۔