ورثا کی جانب سے اداکارہ و ماڈل حمیرا اصغر کی لاش کی حوالگی اور تدفین میں ٹال مٹول کے بعد سندھ حکومت حرکت میں آگئی۔
صوبائی وزیر ثقافت و سیاحت سید ذوالفقار علی شاہ نے ایڈیشنل آئی جی کراچی سے رابطہ کرکے معاملے کی تفصیلات معلوم کیں۔ انھوں نے کہا کہ مرحومہ حمیرا اصغر کے ورثاء اگر لاش وصول یا تدفین نہیں کرتے تو محکمہ ثقافت حمیرا اصغر کا وارث ہوگا۔
مزید پڑھیں: ماڈل و اداکارہ حمیرا اصغر کے والد کا لاش لینے سے انکار، سرد خانے منتقل
صوبائی وزیر نے کہا کہ حمیرا اصغر کا واقعہ افسوسناک اور دل دہلانے والا ہے، مرحومہ لاوارث نہیں سندھ حکومت محکمہ ثقافت وارث ہے، تدفین قبرستان سمیت تمام مراحل محکمہ ثقافت کے ذمہ ہونگے۔
سید ذوالفقار علی شاہ نے کہا کہ ہماری پہلی کوشش ہے کہ والدین راضی ہوں اور لاش وصول کریں، ورثاء اگر لاش وصول یا تدفین نہیں کرتے تو محکمہ ثقافت حمیرا اصغر کا وارث ہوگا اور تدفین کے تمام مراحل سرانجام دے گا۔
Advertisement
مزید پڑھیں: اہلخانہ سے متعلق حمیرا اصغر کا دل چھو لینے والا انٹرویو وائرل
اداکارہ کی لاش کی حوالگی اور تدفین کے لیے صوبائی وزیر نے ڈائریکٹر جنرل کلچر فوکل پرسن مقرر کردیا، جبکہ سیکریٹری ثقافت سندھ نے ڈی آئی جی ساؤتھ کو لاش کی حوالگی کیلئے خط بھی لکھ دیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
