کراچی، پراٹھے والی عمارت بھی مخدوش قرار، مکینوں نے گھر خالی کر دیے

ویب ڈیسک

10th Jul, 2025. 08:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، پراٹھے والی عمارت بھی مخدوش قرار، مکینوں نے گھر خالی کر دیے

حکام کی جانب سے تاحال کوئی باضابطہ کارروائی یا نوٹس جاری نہیں کیا گیا

کراچی کے علاقے لیاری میں واقع ایک خستہ حال رہائشی عمارت کے گرنے کا خدشہ پیدا ہو گیا ہے، جس کے باعث عمارت میں مقیم تمام مکینوں نے اپنے گھروں کو خالی کر دیا ہے۔

ذرائع کے مطابق یہ عمارت مقامی طور پر پراٹھے والی بلڈنگ کے نام سے جانی جاتی ہے اور اس کی تعمیر گراؤنڈ پلس تھری ہے۔ عمارت میں آٹھ رہائشی پورشن بنائے گئے تھے، جن میں متعدد خاندان برسوں سے مقیم تھے۔

عینی شاہدین اور مکینوں کے مطابق عمارت کی حالت خستہ ہو چکی ہے۔ سیڑھیاں (زینہ) مکمل طور پر گر چکی ہیں، ستون (پلرز) اپنی جگہ سے ہل چکے ہیں اور دیواروں میں گہری دراڑیں پڑ چکی ہیں، جس سے عمارت کی ساخت شدید متاثر ہوئی ہے۔

مکینوں کا کہنا ہے کہ عمارت تقریباً 60 سے 65 سال پرانی ہے، اور وہ کئی سالوں سے مالکان سے مرمتی کام کرانے کی اپیل کرتے آ رہے تھے، لیکن کسی قسم کی عملی پیش رفت نہیں کی گئی۔

ایک متاثرہ رہائشی کا کہنا تھا کہ ہم نے سالوں برداشت کیا، مگر اب خطرہ اس حد تک بڑھ گیا ہے کہ جان بچانے کے لیے ہمیں اپنا گھر چھوڑنا پڑا۔

حکام کی جانب سے تاحال کوئی باضابطہ کارروائی یا نوٹس جاری نہیں کیا گیا، تاہم مقامی افراد نے ضلعی انتظامیہ سے فوری مداخلت اور متاثرہ عمارت کو محفوظ بنانے یا منہدم کرنے کا مطالبہ کیا ہے تاکہ کسی ممکنہ سانحے سے بچا جا سکے۔