ہزیمت پر ہزیمت، جنگ بندی میں امریکی کردار نہ ہونے کا مودی دعویٰ جھوٹا قرار

ویب ڈیسک

09th Jul, 2025. 09:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہزیمت پر ہزیمت، جنگ بندی میں امریکی کردار نہ ہونے کا مودی دعویٰ جھوٹا قرار

بھارت کی مودی سرکار کو ایک کے بعد ایک ہزیمت کا سامنا ہے، امریکا نے جنگ بندی میں امریکی کردار نہ ہونے کے مودی سرکار کے دعوے جھوٹے قرار دے دیے ہیں۔

ترجمان امریکی محکمہ خارجہ ٹیمی بروس نے بریفنگ میں کہا کہ اکثر تبصرے خود اپنی وضاحت کردیتے ہیں، حقیقت جاننے کے لیے جدید دور میں آپ کسی ایک تبصرے پر انحصار نہیں کرتے۔

ترجمان نے کہا کہ بعض لوگوں کی رائے غلط ہوتی ہے، صدرٹرمپ نے یہ بات آسان بنا دی ہے، نائب صدر جے ڈی وینس بھی پاک بھارت مذاکرات میں شریک تھے اورانہیں تسلیم کیا جائےگا۔

واضح رہے کہ پاک بھارت جنگ بندی میں امریکی صدر ڈونلڈ ٹرمپ متعدد مرتبہ کردار ادا کرنے کا دعویٰ کرچکے ہیں جب کہ بھارتی حکومت مسلسل پاک بھارت جنگ بندی میں امریکی کردار کو مسترد کرتی آئی ہے۔

پاکستان کی جانب سے پاک بھارت جنگ بندی میں اہم کردار ادا کرنے پر امریکی صدر ٹرمپ کو امن کے نوبیل انعام کے لیے بھی نامزد کیا گیا ہے۔