روسی وزیر کی برطرفی کے چند گھنٹے بعد پُراسرار موت نے ہلچل مچا دی

ویب ڈیسک

07th Jul, 2025. 08:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روسی وزیر کی برطرفی کے چند گھنٹے بعد پُراسرار موت نے ہلچل مچا دی

استاروویت جمعرات کے روز ماسکو ریجن میں اپنی گاڑی کے اندر مردہ پائے گئے

روسی صدر ولادیمیر پیوٹن کی جانب سے عہدے سے ہٹائے جانے کے صرف چند گھنٹوں بعد وزیر برائے ٹرانسپورٹ رومان استاروویت کی پراسرار موت نے روسی سیاسی حلقوں میں ہلچل مچا دی۔

روسی تحقیقاتی ادارے کے مطابق استاروویت ماسکو ریجن میں اپنی گاڑی کے اندر مردہ پائے گئے، جن کے جسم پر گولی لگنے کا زخم موجود تھا۔

ابتدائی اطلاعات کے مطابق واقعہ بظاہر خودکشی معلوم ہوتا ہے تاہم روسی تحقیقاتی کمیٹی نے واقعے کی باقاعدہ تفتیش کا آغاز کر دیا ہے تاکہ موت کی اصل وجوہات سامنے لائی جا سکیں۔

رومان استاروویت کو حال ہی میں مئی 2024 میں روس کا وزیر ٹرانسپورٹ مقرر کیا گیا تھا۔ اس سے قبل وہ 2019 سے کرسک ریجن کے گورنر کے طور پر خدمات انجام دے چکے تھے۔

ان کی اچانک برطرفی اور فوری بعد پیش آنے والی موت نے کئی سوالات کو جنم دیا ہے، جس پر حکومت، میڈیا اور سوشل حلقوں میں مختلف قیاس آرائیاں جاری ہیں۔

سرکاری سطح پر اب تک موت کی وجہ کو حتمی طور پر خودکشی قرار نہیں دیا گیا، لیکن تحقیقات جاری ہیں اور مزید تفصیلات آئندہ دنوں میں سامنے آنے کی توقع ہے۔