چینی 173 روپے فی کلو فروخت پر سختی سے عملدرآمد کرایا جائے، وزیر اعظم کی ہدایت

ویب ڈیسک

30th Jul, 2025. 08:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چینی 173 روپے فی کلو فروخت پر سختی سے عملدرآمد کرایا جائے، وزیر اعظم کی ہدایت

پاکستان کی معیشت کو ڈیجیٹل خطوط پر استوار کرنا وقت کی ضرورت ہے، وزیراعظم

وزیرِ اعظم محمد شہباز شریف کی زیر صدارت چینی کی قیمتوں سے متعلق اعلیٰ سطحی اجلاس منعقد ہوا، جس میں وزیرِ اعظم نے پی ایس ایم اے (پاکستان شوگر ملز ایسوسی ایشن) اور حکومت کے مابین طے شدہ معاہدے پر سختی سے عملدرآمد یقینی بنانے کی ہدایت کی۔

وزیرِ اعظم نے واضح کیا کہ معاہدے کے تحت چینی کی ایکس مل قیمت 165 روپے فی کلو اور ریٹیل قیمت 173 روپے فی کلو مقرر کی گئی ہے، اور ان نرخوں سے تجاوز کرنے والوں کے خلاف فوری اور سخت قانونی کارروائی عمل میں لائی جائے۔

انہوں نے زور دیتے ہوئے کہا کہ کسی کو بھی عوام کے معاشی استحصال کی ہرگز اجازت نہیں دی جائے گی۔

اجلاس کے دوران حکام نے وزیرِ اعظم کو چینی کی دستیابی اور قیمتوں کی صورتحال پر تفصیلی بریفنگ دی۔

حکام نے آگاہ کیا کہ چینی کی مصنوعی قلت پیدا کرنے والے عناصر کے خلاف کارروائیاں جاری ہیں اور ذخیرہ اندوزوں کے خلاف کریک ڈاؤن مزید تیز کر دیا گیا ہے۔

وزیرِ اعظم نے متعلقہ اداروں کو ہدایت کی کہ عوام کو ریلیف فراہم کرنے کے لیے تمام ممکنہ اقدامات بروئے کار لائے جائیں، اور ملک بھر میں چینی کی دستیابی کو یقینی بنایا جائے۔