فلپائن میں مون سون کی طوفانی بارشوں نے تباہی مچا دی، 25 افراد ہلاک

ویب ڈیسک

25th Jul, 2025. 04:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فلپائن میں مون سون کی طوفانی بارشوں نے تباہی مچا دی، 25 افراد ہلاک

فلپائن میں جنوب مغربی مون سون (حبہ گت) اور تین مسلسل آنے والے طوفانی نظاموں کے مشترکہ اثرات کے نتیجے میں ملک بھر میں کم از کم 25 افراد ہلاک جبکہ 8 افراد لاپتہ ہو گئے ہیں۔

یہ اعداد و شمار قومی ادارہ برائے آفات سے نمٹنے (NDRRMC) نے جمعہ کی صبح 6 بجے تک کی تازہ ترین رپورٹ میں جاری کیے ہیں۔

ہلاک ہونے والے افراد میں سے تین ہلاکتوں کی سرکاری طور پر تصدیق ہو چکی ہے، جن میں سے ایک ایک ہلاکت وسطی لوزون، شمالی منڈاناؤ اور کاراگا ریجن میں ہوئی۔ باقی 22 ہلاکتیں تاحال تصدیق کے مرحلے میں ہیں۔

NDRRMC کے مطابق لاپتہ افراد کی تعداد آٹھ ہے جن میں سے تین کیسز کی تصدیق ہو چکی ہے دو مغربی وسایاس اور ایک وسطی لوزون میں رپورٹ ہوئے ہیں۔

ملک بھر میں امدادی کارروائیاں جاری ہیں اور متعلقہ حکام متاثرہ علاقوں میں موسم کی شدت اور اس کے اثرات پر کڑی نظر رکھے ہوئے ہیں۔ حکام نے شہریوں کو احتیاطی تدابیر اختیار کرنے اور مقامی انتظامیہ کی ہدایات پر عمل کرنے کی تاکید کی ہے۔