غارِ ثور تک مونو ریل منصوبے کا آغاز، دو گھنٹے کا سفر کتنے منٹ میں طے ہو گا؟ جانیے

ویب ڈیسک

29th Jul, 2025. 05:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

غارِ ثور تک مونو ریل منصوبے کا آغاز، دو گھنٹے کا سفر کتنے منٹ میں طے ہو گا؟ جانیے
جب چاہیں غزہ پر حملہ کر سکتے ہیں ، کسی اجازت یا معا ہدے کے باپند نہیں، نیتن یاہو
جنگ بندی معاہدے کی پاسداری کیلئے اسرائیل پر دباؤ ڈالا جائے ، حماس کا مطالبہ
بھارتی ٹاٹا گروپ غزہ نسل کشی میں اسرائیل کا مدد گار رہا ، تفصیلی رپورٹ منظر عام پر آ گئی

Now Reading:

غارِ ثور تک مونو ریل منصوبے کا آغاز، دو گھنٹے کا سفر کتنے منٹ میں طے ہو گا؟ جانیے

مونو ریل منصوبے کی آزمائشی سروس کا آغاز نومبر 2025 میں متوقع ہے

سعودی عرب میں مکہ مکرمہ کے تاریخی مقام غارِ ثور تک زائرین کی سہولت کے لیے ایک جدید مونو ریل منصوبے کا آغاز کر دیا گیا ہے، جس سے دو گھنٹے پر محیط پیدل سفر کا فاصلہ صرف تین منٹ میں طے کیا جا سکے گا۔

غارِ ثور، جہاں نبی کریم ﷺ نے ہجرت مدینہ کے دوران تین دن قیام فرمایا تھا، اسلامی تاریخ میں نہایت اہمیت کا حامل مقام ہے۔

ہر سال دنیا بھر سے آنے والے لاکھوں زائرین اس تاریخی غار کی زیارت کے لیے طویل اور دشوار گزار پہاڑی راستے کا سفر کرتے ہیں۔

سعودی حکام کے مطابق مونو ریل منصوبے کی آزمائشی سروس کا آغاز نومبر 2025 میں متوقع ہے۔

جدید سفری سہولیات سے آراستہ یہ مونو ریل نظام نہ صرف وقت کی بچت فراہم کرے گا بلکہ ضعیف اور معذور زائرین کے لیے خصوصی آسانی کا باعث بھی بنے گا۔

حکام کا کہنا ہے کہ یہ منصوبہ اسلامی تاریخی مقامات کی زیارت کو سہل بنانے کے وژن کا حصہ ہے، جس کے تحت ہجرت نبوی ﷺ سے متعلق مختلف مقامات تک آسان رسائی فراہم کی جائے گی۔

اس اقدام کا مقصد زائرین کو مختصر وقت میں مقدس اور تاریخی مقامات کی زیارت کا موقع فراہم کرنا ہے، تاکہ ان کا روحانی و معنوی تجربہ مزید مؤثر اور یادگار بن سکے۔