پاکستان اسپیس اینڈ اپر ایٹموسفیر ریسرچ کمیشن (سپارکو) کے ترجمان کے مطابق ماہِ صفر 1447 ہجری کا نیا چاند 25 جولائی 2025 کو پاکستان معیاری وقت کے مطابق رات 12 بج کر 11 منٹ پر پیدا ہوگا۔
ترجمان کے مطابق، 25 جولائی کو غروبِ آفتاب کے وقت چاند کی عمر تقریباً 19 گھنٹے 31 منٹ ہوگی، جبکہ ملک کے ساحلی علاقوں میں غروبِ آفتاب اور غروبِ ماہ کے درمیان 43 منٹ کا وقفہ متوقع ہے۔
فلکیاتی پیمائشوں اور موجودہ مون سون کی فضا کو مدنظر رکھتے ہوئے ماہرین کا کہنا ہے کہ 25 جولائی 2025 کی شام ہلال کی رویت کے امکانات نہایت کم ہیں۔ اس لیے توقع کی جا رہی ہے کہ یکم صفر 1447 ہجری اتوار، 27 جولائی 2025 کو ہوگی۔
البتہ، چاند کی رویت کا حتمی فیصلہ مرکزی رویتِ ہلال کمیٹی کے اجلاس میں موصول ہونے والی شہادتوں اور مشاہدات کی روشنی میں کیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
