ایشیا کپ کی میزبانی اور مقام کا فیصلہ آج ACC اجلاس میں متوقع

ویب ڈیسک

24th Jul, 2025. 12:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیا کپ کی میزبانی اور مقام کا فیصلہ آج ACC اجلاس میں متوقع

ایشیا کپ 2025 کے انعقاد اور مقام سے متعلق حتمی فیصلہ آج جمعرات کو ڈھاکہ میں ہونے والے ایشین کرکٹ کونسل (ACC) کے سالانہ اجلاس میں متوقع ہے۔

اجلاس میں کرکٹ کی بڑی ایشیائی طاقتوں کے نمائندے شرکت کریں گے، جن میں بھارتی کرکٹ بورڈ (BCCI) ورچوئل شرکت کرے گا۔

بی سی سی آئی کو ٹورنامنٹ کی میزبانی کے حقوق حاصل ہیں، تاہم امکان ہے کہ تمام میچز متحدہ عرب امارات (UAE) میں ستمبر میں منعقد ہوں گے۔ اجلاس میں ایشیا کپ کو مرکزِ بحث بنایا جائے گا۔

بی سی سی آئی کی نمائندگی راجیو شکلا کریں گے، جبکہ افغانستان اور عمان نے شرکت کی تصدیق کر دی ہے۔ نیپال بھی بی سی سی آئی کی طرح ورچوئلی شریک ہو گا، البتہ سری لنکا کی شرکت پر تاحال وضاحت نہیں آئی کہ وہ ورچوئل ہو گی یا ذاتی حیثیت میں۔

یہ پہلا موقع ہے کہ بنگلہ دیش کرکٹ بورڈ (BCB) کسی اعلیٰ سطحی ACC اجلاس کی میزبانی کر رہا ہے۔

BCB کے صدر امین الاسلام نے کہا کہ ان کا بورڈ صرف لاجسٹک سہولیات فراہم کر رہا ہے، جبکہ تمام انتظامات ACC کی نگرانی میں ہو رہے ہیں۔

محسن نقوی جو کہ پی سی بی کے ساتھ ساتھ ACC کے صدر بھی ہیں، بدھ کو ڈھاکہ پہنچے جہاں ان کا پرتپاک استقبال کیا گیا۔ آج شام عشائیہ رکھا گیا ہے، جس کے بعد دو دن اجلاس ہو گا۔