کراچی میں یوم عاشور کی مرکزی مجلس کا نشترپارک میں آغاز ہوگیا ہے، جس سے علامہ شہنشاہ نقوی خطاب  کر رہے ہیں۔

یوم عاشور کی مرکزی مجلس کےاختتام کے بعد یوم عاشور کا مرکزی جلوس برآمد ہوگا، مجلس میں شرکت کے لیے شہربھرسےعزادارو کی آمد کا سلسلہ جاری ہے، جلوس کے شرکا 1بجےتبت سینٹرکےقریب نماز ظہرین اداکریں گے۔

پولیس حکام کا کہنا ہے کہ یوم عاشورکےمرکزی جلوس کی سیکیورٹی کیلئےفول پروف انتظامات کیئے گئے ہیں، جلوس کی گزرگاہوں پر موبائل فون سروس مکمل طور پر معطل رہے گی، سندھ رینجرز اور پولیس کے دستےجلوس کے آگےچلیں گے۔

پولیس حکام کے مطابق  جلوس کی گزرگاہوں کو کنٹینر رکھ کرمکمل سیل کر دیا گیا ہے، رینجرز اور پولیس کےسراغ رساں کتوں کی مددسےگزرگاہوں کی سوپئنگ کی جارہی ہے، بم ڈسپوزل اسکواڈ بھی جلوس کی گزرگاہوں پر سوئپنگ کررہاہے۔

حکام کا کہنا ہے کہ قانون نافذ کرنے والےاداروں کی کلیئرنس کےبعدجلوس کو آگے بڑھایا جاۓ گا، کمانڈ اینڈ کنٹرول روم میں اےاین پی ارکیمروں کی مدد سےجلوس کی نگرانی کی جارہی ہے۔

رینجرز اور پولیس کےماہر نشانہ باز اہلکاروں کو بلند و بالا عمارتوں پرتعینات کیا گیا ہے، جلوس اپنےروایتی راستوں سےہوتا ہواحسینیہ ایرانیاں امام بارگاہ کھارادر پراختتام پذیر ہوگا۔