صدر مملکت آصف علی زرداری کا اواران آپریشن پر سیکیورٹی فورسز کو خراجِ تحسین

ویب ڈیسک

16th Jul, 2025. 11:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت آصف علی زرداری کا اواران آپریشن پر سیکیورٹی فورسز کو خراجِ تحسین

صدر مملکت آصف علی زرداری نے ضلع اواران میں انٹیلیجنس کی بنیاد پر کی گئی کامیاب کارروائی میں فتنۃ الہندوستان سے تعلق رکھنے والے تین دہشت گردوں کو جہنم واصل کرنے پر سیکیورٹی فورسز کی بہادری اور پیشہ ورانہ صلاحیتوں کو زبردست خراجِ تحسین پیش کیا ہے۔

صدر مملکت نے اس جرأت مندانہ کارروائی کو ملک میں قیامِ امن کی جانب ایک اہم پیش رفت قرار دیتے ہوئے کہا کہ دہشت گردی کے مکمل خاتمے تک سیکیورٹی فورسز کی کارروائیاں بھرپور انداز میں جاری رہیں گی۔

کارروائی کے دوران جامِ شہادت نوش کرنے والے میجر سید ربنواز طارق شہید کو خراجِ عقیدت پیش کرتے ہوئے صدر مملکت نے کہا کہ قوم اپنے بہادر سپوتوں کی قربانیوں کو کبھی فراموش نہیں کرے گی۔

انہوں نے شہداء کے لواحقین سے دلی ہمدردی کا اظہار کرتے ہوئے ان کے لیے صبر جمیل کی دعا کی۔

صدر مملکت نے اس عزم کا اعادہ کیا کہ دہشت گرد عناصر کے خاتمے اور ملکی دفاع کے لیے قوم اور ریاست کا عزم غیر متزلزل ہے۔

انہوں نے فتنۃ الہندوستان کے مکمل خاتمے کے لیے قومی یکجہتی اور ادارہ جاتی تعاون کو وقت کی اہم ضرورت قرار دیا۔