غزہ: ایک دن میں 92 فلسطینی شہید، مجموعی شہادتیں 60 ہزار کے قریب پہنچ گئیں

ویب ڈیسک

29th Jul, 2025. 11:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

غزہ: ایک دن میں 92 فلسطینی شہید، مجموعی شہادتیں 60 ہزار کے قریب پہنچ گئیں
امریکا، سکستھ جنریشن جنگی طیارے ایف 47 کی تیاری شروع، پہلی پرواز کب ہو گی؟ جانیے
جنرل اسمبلی سے نیتن یاہو کے خطاب کے دوران مسلم رہنمائوں کا بائیکاٹ، حال خالی ہوگیا
غرور میں مبتلا دشمن کو ذلت آمیز شکست دی ، آبی جارحیت قطعی برداشت نہیں کرینگے،شہبازشریف

Now Reading:

غزہ: ایک دن میں 92 فلسطینی شہید، مجموعی شہادتیں 60 ہزار کے قریب پہنچ گئیں

اسرائیلی بمباری سے غزہ میں مزید 63 شہید، قحط سے اموات میں اضافہ

اسرائیلی افواج کی جانب سے جاری بمباری اور حملوں میں گزشتہ 24 گھنٹوں کے دوران مجموعی طور پر 92 فلسطینی شہید ہو گئے۔

مقامی اسپتالوں کے ذرائع کے مطابق آج صبح سے اب تک مزید 34 افراد جاں بحق ہو چکے ہیں، جس سے انسانی المیے کی شدت میں مزید اضافہ ہو گیا ہے۔

اسرائیل کے تازہ ترین حملوں میں شہید ہونے والے 41 افراد اس وقت مارے گئے جب وہ امداد کے حصول کے لیے امدادی کیمپ کے باہر کھڑے تھے۔

غزہ بھر میں جاری اسرائیلی حملوں کے باوجود انسانی امداد کی ترسیل کے لیے اعلان کردہ “وقفے” مؤثر ثابت نہیں ہو سکے۔

شہادتوں کی تازہ لہر نے مجموعی ہلاکتوں کی تعداد 59,921 تک پہنچا دی ہے، جب کہ زخمیوں کی تعداد 145,233 ہو چکی ہے۔

ادھر مقبوضہ مغربی کنارے میں بھی صورتحال سنگین ہے، جہاں ایک اسرائیلی آبادکار نے فلسطینی استاد اور سماجی کارکن عدہ محمد حدالین کو مسافر یطا میں گولی مار کر شہید کر دیا۔

اسرائیلی انسانی حقوق کی تنظیموں B’Tselem اور Physicians for Human Rights نے اپنی تازہ رپورٹس میں واضح طور پر کہا ہے کہ اسرائیل غزہ میں جاری کارروائیوں کے ذریعے نسل کشی کا ارتکاب کر رہا ہے۔

اقوام متحدہ اور بین الاقوامی اداروں کی جانب سے جنگ بندی اور انسانی امداد کی بحالی کے مطالبات کے باوجود اسرائیلی کارروائیاں بدستور جاری ہیں۔